Færð á vegum: Búið að opna Reykjanesbrautina

Búið er að opna Reykjanesbrautina, en enn eru þar hálkublettir og óveður.

Í tilkynningu frá Vegagerðinni segir að vegirnir um Hellisheiði, Sandskeið, Þrengsli, Kjalarnes og Mosfellsheiði séu allir lokaðir.

Uppfært 23.50: Samkvæmt nýjustu upplýsingum frá vegagerðinni er stefnt að því að opna vegi um Sandskeið og Þrengsli um klukkan 00.30. Hellisheiðin verður þó áfram lokuð eitthvað fram eftir nóttu.

„Þungfært er á Krísuvíkurvegi. Á Suðurlandi en er þæfingsfærð með skafrenningi frá Þjórsá að Hvolsvelli einnig efst á Landvegi. Óveður er undir Ingólfsfjalli og undir Eyjafjöllum.

Á Vesturlandi er snjóþekju, hálku með éljagangi og skafrenningi. Ófært er á Bröttubrekku og á Holtavörðuheiði. Ófært er á Vatnaleið, á Fróðárheiði og Staðarsveit. Lokað í Búlandshöfða. Hálka og óveður er á Mýrum. Ófært er norðan megin í Hvalfirðinum.

Á Vestfjörðum er víða hálka og snjóþekja og skafrenningur. Mokstri er hætt i nágrenni Ísafjarðar og ekkert ferðaveður. Þungfært og stórhríð er á Gemlufallsheiði og Flateyrarvegi. Þæfingsfærð og stórhríð er í Súgandafirði einnig er Þæfingsfærð og stórhríð er frá Súðavík að Ögri. Steingrímsfjarðarheiði er lokuð og ófært og stórhríð á Þröskuldum. Þungfært og stórhríð er á Hjallháls. Ófært og stórhríð er á Klettsháls, Hálfdáni, Mikladal og Kleifaheiði.

Það er hálka, snjóþekja eða hálkublettir og skafrenningur á Norðurlandi og versnandi veður. Hálka og óveður er á Mývatnsöræfum.

Á Austurlandi eru hálkublettir. Hálkublettir og skafrenningur er á Oddskarði. Hálka eða snjóþekja er með suðausturströndinni og sumstaðar éljar. Snjóþekja og stórhríð er í Öræfum.“

Á vef Vegagerðarinnar segir að skil óveðurslægðarinnar fari hjá suðvestanlands milli klukkan 17 og 18. „Um leið  hlýnar  um stund og skyggni batnar á láglendi, en áfram verður skafrenningur á fjallvegum.  Hríðarkóf og stormur víðast hvar norðan- og norðaustanlands þar til seint í kvöld.

Sjálf lægðarmiðjan kemur heldur nær landi en áður var spáð. Það hefur í för með sér að  vestast m.a. á Suðurnesjum  verður aftur foráttuhvasst af S fljótlega í kjölfar skilanna með krapaéljum og hálku. Veðurhæð í strengnum er áætluð um 25 m/s og mjög snarpar hviður verða á norðanverðu Snæfellsnesi til um kl. 22 í kvöld  Um svipað leyti nær strengurinn til Vestfjarða og þar er reiknað með stórhríðarveðri fram á nótt.“

Post by Lögreglustjórinn á Suðurnesjum.