Rappstjarnan Macklemore deilir gleðifréttum á einstakan hátt

Rapparinn Ben Macklemore og unnusta hans Tricia Davis eru að verða foreldrar.

Þetta tilkynntu þau heimsbyggðinni á nýstárlegan hátt um helgina. „Fjölmiðlar hafa velt því fyrir sér hvort við séum að verða foreldrar. Við ákváðum því bara að segja ykkur fréttirnar sjálf,“ sagði parið í yfirlýsingu sem fylgdi með myndbandi af þeim í heimsókn á sjúkrastofnun. Í myndbandinu má meðal annars heyra hjartsláttinn í barninu, þegar Tricia fer í sónarskoðun.

Myndbandið endar svo með þeim upplýsingum að búist sé við barninu í maí næstkomandi.