Horner: Vettel íhugaði að hætta í Formúlu 1

Christian Horner segir Sebastian Vettel hafa íhugað að hætta í Formúlu 1 í fyrra. Titilvörn hans gekk hrikalega.

Horner, liðsstjóri Red Bull segir Vettel hafa orðið svo afhuga Formúlu 1 að hann hafi íhugað að leggja hjálminn á hilluna aðeins 26 ára.

„Hann var ekki ánægður með stefnuna sem F1 var að taka. Fjögur árin þar á undan höfðu gengið svo vel, með bíl sem hann elskaði að keyram svo breyttust hlutirnir mjög mikið skyndilega. Þá vöknuðu spurningar sem hann þurfti að svara. Hann leitaði upprunans, ók gó-kart bílum á miðju tímabili og fann aftur neistan sem kom honum þangað sem hann er og ástríðuna fyrir Formúlu 1,“ sagði Horner.

Margir spekingar höfðu spáð því að Vettel þyldi mótlæti illa. Hann átti erfitt tímabil og brást við með því að rifta samningi og skipta um lið. Vettel mun nú reyna að gera það sama og hetjan hans, Michael Schumacher, koma Ferrari aftur í stöðu yfirburða liða í Formúlu 1. Það eru átta ár síðan ítalski risinn landaði titili.