Flugmiðinn á 8.500 krónur

Stéttarfélögin í Þingeyjarsýslum hafa endursamið við Flugfélagið Erni um afsláttarkjör fyrir félagsmenn stéttarfélaganna á flugleiðinni milli Húsavíkur og Reykjavíkur. Flugmiðinn mun kosta 8.500 krónur og gildir samningurinn út sumarið 2015.

Flugfélagið Ernir flýgur frá Reykjavík til Bíldudals, Gjögurs, Húsavíkur, Vestmannaeyja og Hafnar. Upp á síðkastið hafa stéttarfélögin í Þingeyjarsýslum samið um verð fyrir félagsmenn sína og hefur samstarfið gengið ágætlega. Er þetta liður í því að halda úti flugi á þessari flugleið.