Arjen Robben, fyrirliði hollenska landsliðsins í knattspyrnu, var ekki lengi að benda á sökudólginn eftir 0-1 tap gegn Íslandi í kvöld. Kenndi hann Bruno Martins Indi, varnarmanninum um tapið, en Bruno fékk rautt spjald um miðbik fyrri hálfleiks eftir að hafa slegið til Kolbeins Sigþórssonar.
Robben var að vonum niðurlútur eftir leik en þetta var fyrsti leikur hans sem fyrirliði liðsins. Hófst fyrirliðaferilinn ekki vel en hann fór meiddur af velli stuttu áður en rauða spjaldið kom.
„Ég á að verja leikmenn sem fyrirliði en ég get ekki sagt annað en að þetta hafi verið heimskulegt hjá Bruno. Hann brást liði sínu og ég er afskaplega ósáttur með það.“
Robben ósáttur: Get ekki varið hann eftir þetta heimskulega spjald
Tengdar fréttir
Frábært myndband frá sigurgleði strákanna eftir sigurinn
Gunnleifur Gunnleifsson, markvörður íslenska landsliðsins, birti í kvöld á Instagram-síðu sinni skemmtilegt myndband sem sýnir stemminguna inn í klefa eftir frábæran 1-0 sigur á Hollandi.
Sjáðu það helsta úr Amsterdam-ævintýrinu | Myndband
Sjáðu markið sem tryggði Íslandi frækinn 1-0 sigur á Hollandi á einum erfiðasta útivelli í Evrópu í kvöld ásamt því að sja rauða spjaldið sem varnarmaður Hollands fékk.
Umfjöllun: Holland - Ísland 0-1 | Strákarnir okkar einu stigi frá EM
Gylfi Þór Sigurðsson skoraði sigurmarkið úr vítaspyrnu þegar Ísland vann Holland öðru sinni í undankeppni EM.
