Segja Trump óhæfan í forsetaembætti

Ummæli Donald Trump, sem tekur nú þátt í forvali Repúblikana vegna forsetakosninga í Bandaríkjunum, um að banna ætti múslimum að koma til Bandaríkjanna hafa valdið miklum usla. Hann hefur verið fordæmdur víða og meðal annars hefur J.K. Rowling sagt að Trump sé verri en Voldemort.

Paul Ryan, forseti þingsins og einn af leiðtogum, Repúblikana, er einn þeirra sem hefur fordæmt ummæli Trump.

Talsmaður Barack Obama sagði ummæli Trump gera hann óhæfan til að gegna embætti forseta. Josh Earnest kallaði eftir því að aðrir frambjóðendur Repúblikana fordæmi ummæli Trump.

How horrible. Voldemort was nowhere near as bad. https://t.co/hFO0XmOpPH

— J.K. Rowling (@jk_rowling) December 8, 2015

Bannið sem Trump segist vilja setja á myndi snúa að öllum múslimum, hvort sem þeir væru að flytja til Bandaríkjanna, eða í fríi. Hann sagði marga múslima hata Bandaríkin og að bannið væri nauðsynlegt til að verja Bandaríkin.

Josh Earnest, talsmaður Barack Obama. Paul Ryan, leiðtogi Repúblikana, fordæmdi einnig ummæli Trump.