Secret Solstice: Upphitunartónleikar í Stúdentakjallaranum

„Það er frábært að sjá hvað Secret Solstice er að stækka sem tónlistarhátíð og gaman að taka þátt í upphitun fyrir þessa flottu hátíð,” segir Hallfríður Þóra Tryggvadóttir, dagskrárstjóri Stúdentakjallarans en upphitunartónleikar Secret Solstice fara fram á staðnum annað kvöld frá kl. 21 til 01.

„Það verður eitthvað fyrir alla á tónleikunum. Allt frá pönki til raftónlistar. Þetta er tilvalið tækifæri til þess að hita frítt upp fyrir helgina sem og fagna þjóðhátíðardegi að miðnætti,” segir Hallfríður en tónlistarfólkið í Kælunni miklu, Kiriyama Family og KSF spila.

Secret Solstice verður um næstu helgi og fer hátíðin fram í Laugardalnum. Í Stúdentakjallaranum hefst dagskráin klukkan níu og lýkur klukkan eitt eftir miðnætti.



Hér má kynna sér dagskrána nánar.