Tveir handteknir vegna bankaránsins

Lögregla hefur handtekið tvo menn í tengslum við bankaránið í Landsbankanum í Borgartúni fyrr í dag. Umfangsmikil leit stendur þó enn yfir í Hlíðunum að tveimur mönnum sem grunaðir eru um að hafa rænt bankann.

Lögregla hefur birt myndir af mönnunum tveimur sem grunaðir eru um ránið og óskar aðstoðar almennings. Margir hafa verið yfirheyrðir í tengslum við málið.

Leit hefur staðið yfir í Hlíðunum og við Öskjuhlíð frá því á þriðja tímanum en hvít sendiferðabifreið sem mennirnir flúðu á fannst yfirgefin í Barmahlíð. Götunni var í framhaldinu lokað og hefur verið leitað í hverfinu og nærri Öskjuhlíð síðan. Lögreglan vaktar alla vegi til og frá Öskjuhlíð.