Sigríður Huld nýr skólameistari Verkmenntaskólans á Akureyri

Illugi Gunnarsson mennta- og menningarmálaherra hefur skipað Sigríði Huld Jónsdóttur skólameistara Verkmenntaskólans á Akureyri til fimm ára.

Sigríður tekur við stöðunni frá 1. janúar 2016. Hún tekur við stöðunni af Hjalti Jóni Sveinssyni sem var ráðinn nýr skólameistari Kvennaskólans í Reykjavík í september.

Sigríður Huld Jónsdóttir er með BSc í hjúkrunarfræði, kennsluréttindi í framhaldsskóla og diplóma í opinberri stjórnsýslu.

Hún hefur verið aðstoðarskólameistari Verkmenntaskólans á Akureyri frá 2006 og var settur skólameistari skólans skólaárið 2011 - 2012.