Tvær ungar stúlkur fluttar með sjúkraflugi til Reykjavíkur eftir vélsleðaslys

Tvær ungar stúlkur voru fluttar með flugi til Reykjavíkur eftir alvarlegt vélsleðaslys í Austur-Húnavatnssýslu. Samkvæmt upplýsingum frá lögreglunni á Blönduósi voru stúlkurnar saman á vélsleða þegar þær misstu stjórn á sleðanum og lentu undir heyrúlluvagni. Slysið átti sér stað rétt um fimm í dag.

Stúlkurnar voru fluttar á Sauðárkrók þar sem sú ákvörðun var tekin að senda þær til Reykjavíkur með sjúkraflugvél Mýflugs. Vélin fór í loft upp úr klukkan átta en hreinsa þurfti snjó af flugvellinum á Sauðárkróki til að koma vélinni í loftið. Báðar þyrlur Landhelgisgæslunnar voru að störfum á vettvangi annars slyss en banaslys varð í Öræfasveit fyrr í dag.

Önnur stúlknanna er meira slösuð en hin en ekki er unnt að greina nánar frá líðan þeirra að svo stöddu.