Tíu áramótabrennur í borginni

Tíu áramótabrennur verða í Reykjavíkurborg á gamlárskvöld, en eldur verður borinn að köstunum klukkan 20.30 á öllum stöðum nema tveimur.

Á Úlfarsfelli verður tendrað klukkan 15 um daginn og í Skerjafirði verður eldur borinn að kestinum klukkan 21.00 eftir blysför sem hefst klukkan 20.30.  

Áramótabrennurnar verða á eftirtöldum stöðum:

• Við Ægisíðu, stór brenna.
• Skerjafjörður gegnt Skildinganesi 48 - 52,  lítil brenna (tendrað kl. 21.00, eftir blysför sem hefst kl. 20.30).
• Við Suðurhlíðar, neðan við Fossvogskirkjugarð, lítil brenna.
• Vestan Laugarásvegar móts við Valbjarnarvöll,  lítil brenna.
• Geirsnef, stór brenna.
• Við Suðurfell, lítil brenna.
• Fylkisbrennan við Rauðavatn, stór brenna.
• Gufunes við gömlu öskuhaugana, stór brenna.
• Kléberg á Kjalarnesi, lítil brenna.
• Úlfarsfell á athafnasvæði Fisfélagsins ofan við Lambhagaveg, lítil brenna (tendrað kl. 15.00)

Stærð brennanna ræðst af mati Eldvarnareftirlitsins á aðstæðum á hverjum stað og eru gestir beðnir um að virða þá reglu að vera ekki með skotelda við brennurnar þar sem mannfjöldi er. „Stjörnuljós og blys eru betri kostur enda barnvænt og hættuminna,“ segir á vef Reykjavíkurborgar.