Framlenging í Körfuboltakvöldi: Af hverju var Margrét að þessu?

Framlenging er lokahluti Dominos-Körfuboltakvölds þar sem sérfræðingar þáttarins ræða fimm málefni á fimm mínútum.

Þeir Hermann Hauksson og Kristinn Friðriksson ræddu dramatíkina í kringum brotthvarf Bryndísar Guðmundsdóttur frá Keflavík, en Margrét Sturlaugsdóttir, þjálfari liðsins, hætti sem aðstoðarþjálfari landsliðsins í gær út af Bryndísi.

Sérfræðingarnir voru báðir sammála um að Margrét hefði ekki átt að ræða þetta mál við fjölmiðla í gær, en Margrét sagði Vísi allt sem fór þeirra á milli.

Hermann og Kristinn fóru einnig yfir hvaða Bandaríkjamenn hafa heillað í fyrstu tveimur umferðunum, hvort Tindastóll geti unnið deildina, nýliðana og Keflavíkurliðið.

Alla framlenginguna má sjá í spilaranum hér að ofan.