„Stjórnvöld þurfa að leiðrétta þessi mistök“

Útvarpsstjóri segir að samantekt á stöðu RÚV staðfesti að fyrirtækið hafi verið undirfjármagnað frá stofnun árið 2007. Þetta segir í yfirlýsingu vegna skýrslunnar. „Mistök voru gerð við að láta gamlar lífeyrssjóðsskuldbindingar ríkisins fylgja með við hlutafélagsvæðinguna,“ segir í yfirlýsingunni.

„Stjórnvöld þurfa að leiðrétta þessi mistök,“ segir RÚV.

Í yfirlýsingunni segir að skýrslan staðfesti einnig að jákvæður viðsnúningur hafi orðið á rekstrinum á undanförnum átján mánuðum og að samningur um sölu byggingarréttar við Efstaleiti mun leiða til mestu lækkunar skulda í sögu félagsins.

RÚV segist gera athugasemdir við ýmis atriði í skýrslunni en í yfirlýsingunni er aðeins vísað til þess að tölulegur samanburður sem nefndir gerir á milli RÚV og 365, sem meðal annars gefur út Vísi.

„Margoft hefur komið fram að slíkur samanburður er illmögulegur vegna ólíks eðlis almannaþjónustumiðla og einkamiðla,“ segir í yfirlýsingunni. Þá gagnrýnir RÚV að stuðst sé við óopinberar tölur um rekstur 365, en fram kemur í skýrslunni að fyrirtækið hafi sjálft látið þær upplýsingar af hendi.