Sjáðu myndirnar: Rigning hafði engin áhrif á rokkara á Eistnaflugi

Ellefta Eistnafluginu lauk á Norðfirði í gær. Metaðsókn var en talið er að um 1700 manns hafi skellt sér austur og rokkað. Þeir fyrstu mættu á miðvikudag en síðustu tónleikarnir fóru fram í gær.

Töluvert rigndi á hátíðargesti um helgina og bauðst fólki með rennandi blaut tjöld að gista í Egilsbúð.

Strákarnir í pólska metalbandinu Behemoth voru sérstaklega ánægðir með viðtökurnar. Létu þeir smella af sér mynd með trylltum íslenskum aðdáendum.

Iceland, you are our new favorite people!!! We owe you!!!

Posted by BEHEMOTH! on Sunday, July 12, 2015

Bubbi og Dimma tóku slagarann Fjöllin hafa vakað á Eistnaflugi

Freyja Gylfadóttir var á Norðfirði um helgina og tók fjölmargar skemmtilegar myndir fyrir Vísi sem sjá má hér að neðan.