Birgir Leifur í 61. - 62. sæti

Birgir Leifur Hafþórsson situr í 61. - 62. sæti á Najeti Open í Frakklandi, en hann er samtals á fimm yfir eftir þrjá hringi á mótinu. Mótið er hluti af Evrópumótaröðinni og Áskorendamótaröð Evrópu.

Birgir Leifur spilaði fyrsta hringinn á 72 höggum sem og annan hringinn, en þriðja hringinn spilaði hann á 74 höggum.

Byrjunin á hringnum var nokkuð kaflaskipt hjá Birgi Leif, en hann byrjaði á skolla og svo tvöföldum skolla á þeirri þriðju.

Þetta var versti hringur Birgis á mótinu, en lokahringurinn fer fram á morgun í blíðskapaveðrinu í Frakklandi.