Natalie Portman og fjölskylda himinlifandi með matinn á Gló

Natalie Portman hefur verið stödd í Reykjavík síðustu daga ásamt eiginmanni sínum, Benjamin Millepied og syni þeirra, Aleph Portman-Millepied. Fjölskyldan borðaði saman hádegismat á veitingarstaðnum Gló við Laugarveg í gær.

„Þau voru ofboðslega kurteis og viðkunnanleg,“ segir starfsmaður Gló sem Vísir ræddi við

„Þau voru hér í dágóða stund og voru virkilega ánægð með matinn. Natalie hrósaði honum sérstaklega.“

Gestir staðarins voru eðlilega nokkuð spenntir en þau fengu að vera í friði og laus við allar myndatökur.

Hjónin sáust einnig í Hallgrímskirkju í gærdag og virtust þau kunna vel við mannvirkið. Svo sást til þeirra hjóna í Bláa Lóninu í gær.

Natalie Portman fagnaði 33 ára afmæli sínu í fyrradag en Portman hefur verið heimsþekktur leikari í mörg ár og meðal annars fékk hún Óskarsverðlaun fyrir leik aðalhlutverki í kvikmyndinni Black Swan árið 2011.

Portman frumsýndu fyrstu myndina sem hún leikstýrði á kvikmyndahátíðinni í Cannes í maí en myndin heitir A Tale of Love and Darkness.