Hanna Birna greindist með æxli í höfði 27. apríl 2015 19:15 „Ég lak engum upplýsingum og mér finnst ótrúlegt að fólki detti í hug að ég myndi gera það og láta annan taka fallið. Ég vissi ekki að Gísli hefði gert það fyrr en hann sagði það sjálfur en ef ég fengi tækifæri til að gera hlutina upp á nýtt, myndi ég fara öðruvísi að.“ Þetta segir Hann Birna Kristjánsdóttir þingmaður og fyrrverandi innanríkisráðherra sem settist á þing í dag eftir fjögurra mánaða fjarveru. Hanna Birna var í viðtali við Ísland í dag í kvöld en þar segist hún hafa gert mörg mistök í lekamálinu svokallaða. „Ég tek hlutina of persónulega og fer í of mikla vörn. Það gerði ég í þessu máli.“Talaði oftar við Gísla en aðra Hanna Birna segir að á tímabili hafi hana grunað alla sem í kringum hana voru en viðurkennir þó að hún hafi yfirheyrt suma oftar en aðra. „Ég spurði Gísla oftar en aðra, ég get ekki sagt hvort mig hafi grunað hann meira en aðra svona, eftir á, en þó mig hefði grunað hann, gat ég ekki látið hann fara með engar sannanir.“ Þá segir hún að um leið og Gísli viðurkenndi fyrir henni lekann, hafi hún vitað að hún þyrfti að segja af sér. „Ég hringdi í manninn minn og sagði honum að þetta væri búið og að ég vildi út. Eftir á að hyggja, hefði ég örugglega átt að segja af mér þegar rannsókn málsins hófst. Það hefði verið betra.“„Ég fer alltaf í vörn“ Hanna Birna viðurkennir að hún hefði átt að einbeita sér betur að því að upplýsa málið en að ýta því í burtu frá sér. „Ég viðurkenni, ég vildi það burt. Mér leið illa því ég skildi ekki hvað hafði gerst og það voru mistök af minni hálfu, verandi ráðherra, að vera í bandi við Stefán Eiríksson sem þá var lögreglustjórinn á Höfuðborgarsvæðinu.“ Hanna Birna sem var æðsti yfirmaður lögreglunnar í landinu á þeim tíma var oft í samskiptum við Stefán. Hún neitar að hafa hótað honum en hún sagði þó við hann að lögreglurannsókn myndi fara fram að málinu loknu. „Það voru mistök að hafa samband við hann en ég hef aldrei hótað neinum. Eftir á að hyggja, vildi ég að ég hefði farið aðra leið í þeim málum.“Fór að gráta Morguninn sem Gísli Freyr ákvað að segja sannleikann, komu þau hjón inn á skrifstofu til Hönnu Birnu, loka dyrunum og Gísli biðst afsökunar margoft. „Þetta var tilfinningaþrungin stund, þau voru augsýnilega mjög beygð og voru bæði grátandi. Ég fór einnig að gráta og var fyrst og fremst gríðarlega vonsvikin.“ Hanna Birna segist ekki vera reið og óski Gísla alls hins besta í lífinu. Þau eru ekki í sambandi í dag en hún segist þó trúa því að hann hafi ekki ætlað sér að gera henni neitt illt. Hann hafi lent í lygavef og ekki komist úr honum.„Mér brá“ Hanna Birna segist hafa verið buguð, þreytt og sár. Ástæður fyrir því að hún ákvað að hverfa af sjónarsviðinu í fjóra mánuði eru þó fleiri. „Ég vil helst ekki tala um mitt einkalíf, ég hef aldrei viljað gera það. Það er ekki mitt að velta fólki upp úr mínum áhyggjum, ég er hérna til að auðvelda líf annarra. Kannski ætti ég þó að vera ófeimnari við að treysta fólki fyrir því hvernig mér líður,“ segir Hanna Birna sem eftir að hafa fallið í yfirlið og þurft á rannsóknum að halda, greindist með æxli í höfði. „Ég vil ekki drama í kringum það, þetta er góðkynja og verður í hausnum á mér áfram. En mér brá og þetta ofan á allt annað, var bara of mikið fyrir mig. Ég þurfti frið og tók mér minn tíma. Hanna Birna segir að hún sé nú fyrst tilbúin að tala. „Ef ég hefði mætt í viðtal um leið og allt þetta gekk yfir, hefði ég farið að gráta. Það vildi ég ekki.“„Ertu viss um að börnin þín séu óhult“ Hanna Birna segir að umræðan verði að breytast í landinu. „Það var erfitt að þurfa að segja börnunum mínum að opna ekki dyrnar fyrir neinum, fá líflátshótanir og spurningu á Austurvelli um hvort ég væri viss um að börnin mín væru óhult,“ segir Hanna sem segir það ómögulegt að fólk haldi að stjórnmálamenn séu allir vondir og hugsi aðeins um næsta prófkjör. „Umræðan verður að breytast en ég hef enn ekki hitt þennan vonda stjórnmálamann.“Vill vera varaformaður Sjálfstæðisflokksins Hanna Birna segist gera sér grein fyrir því að það muni taka tíma að endurheimta traust þjóðarinnar á ný og að undanfarið eitt og hálfa árið hafi hún á hverjum degi íhugað að hætta í pólitík. „Eldurinn er þó enn til staðar og mig langar að fá tækifæri til að halda því starfi áfram sem ég var kosin til að vinna. Mig langar að vera varaformaður flokksins og mig langar að vera góð fyrirmynd. Þetta mun allt saman taka tíma,“ segir Hanna Birna en viðtalið við hana má sjá hér í fullri lengd. Lekamálið Mest lesið „Hann fékk einfaldlega ekki þá hjálp sem hann þurfti á að halda“ Innlent Ekkja Kirk tjáir sig eftir morðið Erlent „Ég hélt að hann yrði forstjóri“ Erlent „Það virðist aldrei vera nein lausn í sjónmáli“ Innlent Sitjandi formaður dregur framboðið til baka á kjördag Innlent Öllum sem geri lítið úr morðinu „verði refsað“ Erlent Stebbi í Lúdó látinn Innlent Ósætti með nýtt grenndargámasvæði: „Þetta er bara mikið áhyggjuefni“ Innlent Ölvaðir einstaklingar víða til vandræða Innlent Í straffi fyrir skilaboð á vegg Kaffibarsins: „Þetta eru bara skemmdarverk“ Innlent Fleiri fréttir „Það er ekkert ósætti eða rifrildi“ Sýkt vatnsból á Stöðvarfirði eigi brátt að heyra sögunni til Íbúum Bláskógabyggðar fjölgar og fjölgar Fangelsismál í krísu og rannsókn á morðinu á Kirk „Það virðist aldrei vera nein lausn í sjónmáli“ Heimsótti heimaslóðirnar 52 árum eftir nauðlendinguna Sitjandi formaður dregur framboðið til baka á kjördag Stebbi í Lúdó látinn Ölvaðir einstaklingar víða til vandræða „Hann fékk einfaldlega ekki þá hjálp sem hann þurfti á að halda“ Ósætti með nýtt grenndargámasvæði: „Þetta er bara mikið áhyggjuefni“ Áköf úrkoma hætti á skriðuföll á Ströndum Stærsti skjálfti síðan í maí fannst í byggð Þurfi að jafna réttindi upp á við en ekki skerða hjá einum hóp Leggur fram öryggis- og varnarstefnu: „Ógnin er veruleg“ Óformlegar verkfallsaðgerðir hjá Play og tilfinningaþrungnir dagar Bregðast við árás á barnaníðing í Fellabæ Ákærður fyrir tilraun til manndráps í Úlfarsárdal Í straffi fyrir skilaboð á vegg Kaffibarsins: „Þetta eru bara skemmdarverk“ Ríkisstjórnin þverbrjóti leikreglur vinnumarkaðarins Starfsmenn þingflokks taka pokann sinn Vilja afnema áminningarskyldu sem undanfara uppsagnar opinberra starfsmanna Sá yngsti til að verða kjörinn goði hjá Ásatrúarfélaginu Forstöðumenn fangelsa lýsa kerfislægri krísu og segja ástandið óásættanlegt Búin að sjóða vatn í rúman mánuð og segir íbúa ekki treysta vatnsbólinu Þurfa 12-15 milljónir til að halda Ylju opinni um helgar Lýðræðislegri umræðu og samstöðu ógnað Ísland gæti þurft að kaupa losunarheimildir fyrir milljarða til að standa við skuldbindingar Starfsmannafundur hjá Play og enn leitað að morðingja Charlie Kirk Hæstiréttur tekur fyrir mál móður sem dæmd var í 18 ára fangelsi Sjá meira
„Ég lak engum upplýsingum og mér finnst ótrúlegt að fólki detti í hug að ég myndi gera það og láta annan taka fallið. Ég vissi ekki að Gísli hefði gert það fyrr en hann sagði það sjálfur en ef ég fengi tækifæri til að gera hlutina upp á nýtt, myndi ég fara öðruvísi að.“ Þetta segir Hann Birna Kristjánsdóttir þingmaður og fyrrverandi innanríkisráðherra sem settist á þing í dag eftir fjögurra mánaða fjarveru. Hanna Birna var í viðtali við Ísland í dag í kvöld en þar segist hún hafa gert mörg mistök í lekamálinu svokallaða. „Ég tek hlutina of persónulega og fer í of mikla vörn. Það gerði ég í þessu máli.“Talaði oftar við Gísla en aðra Hanna Birna segir að á tímabili hafi hana grunað alla sem í kringum hana voru en viðurkennir þó að hún hafi yfirheyrt suma oftar en aðra. „Ég spurði Gísla oftar en aðra, ég get ekki sagt hvort mig hafi grunað hann meira en aðra svona, eftir á, en þó mig hefði grunað hann, gat ég ekki látið hann fara með engar sannanir.“ Þá segir hún að um leið og Gísli viðurkenndi fyrir henni lekann, hafi hún vitað að hún þyrfti að segja af sér. „Ég hringdi í manninn minn og sagði honum að þetta væri búið og að ég vildi út. Eftir á að hyggja, hefði ég örugglega átt að segja af mér þegar rannsókn málsins hófst. Það hefði verið betra.“„Ég fer alltaf í vörn“ Hanna Birna viðurkennir að hún hefði átt að einbeita sér betur að því að upplýsa málið en að ýta því í burtu frá sér. „Ég viðurkenni, ég vildi það burt. Mér leið illa því ég skildi ekki hvað hafði gerst og það voru mistök af minni hálfu, verandi ráðherra, að vera í bandi við Stefán Eiríksson sem þá var lögreglustjórinn á Höfuðborgarsvæðinu.“ Hanna Birna sem var æðsti yfirmaður lögreglunnar í landinu á þeim tíma var oft í samskiptum við Stefán. Hún neitar að hafa hótað honum en hún sagði þó við hann að lögreglurannsókn myndi fara fram að málinu loknu. „Það voru mistök að hafa samband við hann en ég hef aldrei hótað neinum. Eftir á að hyggja, vildi ég að ég hefði farið aðra leið í þeim málum.“Fór að gráta Morguninn sem Gísli Freyr ákvað að segja sannleikann, komu þau hjón inn á skrifstofu til Hönnu Birnu, loka dyrunum og Gísli biðst afsökunar margoft. „Þetta var tilfinningaþrungin stund, þau voru augsýnilega mjög beygð og voru bæði grátandi. Ég fór einnig að gráta og var fyrst og fremst gríðarlega vonsvikin.“ Hanna Birna segist ekki vera reið og óski Gísla alls hins besta í lífinu. Þau eru ekki í sambandi í dag en hún segist þó trúa því að hann hafi ekki ætlað sér að gera henni neitt illt. Hann hafi lent í lygavef og ekki komist úr honum.„Mér brá“ Hanna Birna segist hafa verið buguð, þreytt og sár. Ástæður fyrir því að hún ákvað að hverfa af sjónarsviðinu í fjóra mánuði eru þó fleiri. „Ég vil helst ekki tala um mitt einkalíf, ég hef aldrei viljað gera það. Það er ekki mitt að velta fólki upp úr mínum áhyggjum, ég er hérna til að auðvelda líf annarra. Kannski ætti ég þó að vera ófeimnari við að treysta fólki fyrir því hvernig mér líður,“ segir Hanna Birna sem eftir að hafa fallið í yfirlið og þurft á rannsóknum að halda, greindist með æxli í höfði. „Ég vil ekki drama í kringum það, þetta er góðkynja og verður í hausnum á mér áfram. En mér brá og þetta ofan á allt annað, var bara of mikið fyrir mig. Ég þurfti frið og tók mér minn tíma. Hanna Birna segir að hún sé nú fyrst tilbúin að tala. „Ef ég hefði mætt í viðtal um leið og allt þetta gekk yfir, hefði ég farið að gráta. Það vildi ég ekki.“„Ertu viss um að börnin þín séu óhult“ Hanna Birna segir að umræðan verði að breytast í landinu. „Það var erfitt að þurfa að segja börnunum mínum að opna ekki dyrnar fyrir neinum, fá líflátshótanir og spurningu á Austurvelli um hvort ég væri viss um að börnin mín væru óhult,“ segir Hanna sem segir það ómögulegt að fólk haldi að stjórnmálamenn séu allir vondir og hugsi aðeins um næsta prófkjör. „Umræðan verður að breytast en ég hef enn ekki hitt þennan vonda stjórnmálamann.“Vill vera varaformaður Sjálfstæðisflokksins Hanna Birna segist gera sér grein fyrir því að það muni taka tíma að endurheimta traust þjóðarinnar á ný og að undanfarið eitt og hálfa árið hafi hún á hverjum degi íhugað að hætta í pólitík. „Eldurinn er þó enn til staðar og mig langar að fá tækifæri til að halda því starfi áfram sem ég var kosin til að vinna. Mig langar að vera varaformaður flokksins og mig langar að vera góð fyrirmynd. Þetta mun allt saman taka tíma,“ segir Hanna Birna en viðtalið við hana má sjá hér í fullri lengd.
Lekamálið Mest lesið „Hann fékk einfaldlega ekki þá hjálp sem hann þurfti á að halda“ Innlent Ekkja Kirk tjáir sig eftir morðið Erlent „Ég hélt að hann yrði forstjóri“ Erlent „Það virðist aldrei vera nein lausn í sjónmáli“ Innlent Sitjandi formaður dregur framboðið til baka á kjördag Innlent Öllum sem geri lítið úr morðinu „verði refsað“ Erlent Stebbi í Lúdó látinn Innlent Ósætti með nýtt grenndargámasvæði: „Þetta er bara mikið áhyggjuefni“ Innlent Ölvaðir einstaklingar víða til vandræða Innlent Í straffi fyrir skilaboð á vegg Kaffibarsins: „Þetta eru bara skemmdarverk“ Innlent Fleiri fréttir „Það er ekkert ósætti eða rifrildi“ Sýkt vatnsból á Stöðvarfirði eigi brátt að heyra sögunni til Íbúum Bláskógabyggðar fjölgar og fjölgar Fangelsismál í krísu og rannsókn á morðinu á Kirk „Það virðist aldrei vera nein lausn í sjónmáli“ Heimsótti heimaslóðirnar 52 árum eftir nauðlendinguna Sitjandi formaður dregur framboðið til baka á kjördag Stebbi í Lúdó látinn Ölvaðir einstaklingar víða til vandræða „Hann fékk einfaldlega ekki þá hjálp sem hann þurfti á að halda“ Ósætti með nýtt grenndargámasvæði: „Þetta er bara mikið áhyggjuefni“ Áköf úrkoma hætti á skriðuföll á Ströndum Stærsti skjálfti síðan í maí fannst í byggð Þurfi að jafna réttindi upp á við en ekki skerða hjá einum hóp Leggur fram öryggis- og varnarstefnu: „Ógnin er veruleg“ Óformlegar verkfallsaðgerðir hjá Play og tilfinningaþrungnir dagar Bregðast við árás á barnaníðing í Fellabæ Ákærður fyrir tilraun til manndráps í Úlfarsárdal Í straffi fyrir skilaboð á vegg Kaffibarsins: „Þetta eru bara skemmdarverk“ Ríkisstjórnin þverbrjóti leikreglur vinnumarkaðarins Starfsmenn þingflokks taka pokann sinn Vilja afnema áminningarskyldu sem undanfara uppsagnar opinberra starfsmanna Sá yngsti til að verða kjörinn goði hjá Ásatrúarfélaginu Forstöðumenn fangelsa lýsa kerfislægri krísu og segja ástandið óásættanlegt Búin að sjóða vatn í rúman mánuð og segir íbúa ekki treysta vatnsbólinu Þurfa 12-15 milljónir til að halda Ylju opinni um helgar Lýðræðislegri umræðu og samstöðu ógnað Ísland gæti þurft að kaupa losunarheimildir fyrir milljarða til að standa við skuldbindingar Starfsmannafundur hjá Play og enn leitað að morðingja Charlie Kirk Hæstiréttur tekur fyrir mál móður sem dæmd var í 18 ára fangelsi Sjá meira