Björgunarsveitarmenn í Vestmannaeyjum hafa í nótt og í morgun haft í nægu að snúast við að aðstoða ökumenn og aðra bæjarbúa við ýmislegt vegna veðurs. Vitlaust veður er í Vestmannaeyjum og ráðleggur lögreglan fólki því að halda sig innandyra.
Mikil ófærð er á flestum götum bæjarins og ekki hefur verið hægt að ryðja vegi vegna lélegs skyggnis og skafrennings.
Lögreglan í Eyjum birti meðfylgjandi myndband á Facebook í dag. Myndskeiðið sýnir glögglega hversu slæmt veðrið er.
