Lögreglumenn ákærðir fyrir morð

Tveir lögreglumenn hafa verið kærðir fyrir morð í borginni Albeuquerque í New Mexico í Bandaríkjunum. Lögreglumennirnir skutu James Boyd, sem var heimilislaus, til bana í mars í fyrra. Skotárásin leiddi til mikilla mótmæla í borginni.

Ákveðið var að kæra ekki lögreglumennina í Ferguson, þar sem óvopnaður ungur maður var skotinn, og í New York, þar sem lögregluþjónar kyrktu mann til bana. Þá höfðu sérstakir hópar (e. Grand jury), farið yfir gögn málsins og þau ákváðu hvort leggja ætti fram kæru, eða ekki.

Eftir að ákveðið var að kæra lögreglumennina ekki urðu gífurlega stór mótmæli víða um Bandaríkin og þeim fylgdi oft mikið ofbeldi.

Saksóknari Albuquerque fór þó fram hjá því að láta sambærilegan hóp taka ákvörðun í málinu og kærði tvo lögreglumenn fyrir morð. Þannig telur hann að allar upplýsingar

Snýst um aðgengi að upplýsingum

„Ólíkt Ferguson og New York, þá munum við vita um hvað málið snýst. Almenningur mun búa yfir þessum upplýsingum,“ segir Kari Brandenburg við AP fréttaveituna. Þá segist hann trúa telja að sambærileg mál séu mikilvæg og að nauðsynlegt sé að deila öllum upplýsingum með almenningi.

Keith Sandy er einn lögreglumannanna sem hefur verið ákærður fyrir að skjóta James Boyd. Boyd hafði margoft lent í átökum við lögreglu samkvæmt AP, en myndband af skotárásinni sýnir að hann virðist gefast upp. Þá kasta lögreglumennirnir að honum flasssprengju og siga hundi á hann. Við það tekur hann upp tvo hnífa og er skotinn.

„Ég hlakka til þess að saksóknarar finni eitt vitni sem tilbúið sé að segja að um morð sé að ræða,“ segir lögmaður Sandy.

Áður en Boyd var skotinn var Dómsmálaráðuneyti Bandaríkjanna að rannsaka valdbeitingu lögreglunnar í Albuquerque. Frá árinu 2010 hafa orðið meira en 40 skotárásir í borginni og þar af 27 banvænar.