Helena: Spennt að spila með litlu systur Ingvi Þór Sæmundsson skrifar 1. júní 2015 07:00 Helena og Guðbjörg Sverrisdætur verða samherjar með íslenska landsliðinu á Smáþjóðaleikunum sem verða settir í dag. vísir/pjetur Íslenska landsliðið í körfubolta hefur leik á morgun á 16. Smáþjóðaleikunum sem fara fram hér á landi 1.-6. júní. Ísland leikur þrjá leiki; gegn Möltu 2. júní, Mónakó tveimur dögum síðar og endar svo á leik gegn Lúxemborg 6. júní. Íslensku stelpurnar eiga harma að hefna gegn Lúxemborg en á síðustu Smáþjóðaleikum, sem fóru fram í Lúxemborg fyrir tveimur árum, tapaði Ísland fyrir heimakonum í úrslitaleik um sigur á leikunum, 59-62. Helena Sverrisdóttir var atkvæðamest í liði Íslands í þessum leik en hún skoraði 17 stig og tók 16 fráköst. Helena segir að þessi leikur sitji í henni.Þreyttar á silfrinu „Við munum allar eftir þessu. Okkur fannst við vera miklu betri í leiknum en við hittum ekki neitt og það gekk einhvern veginn ekkert upp þennan dag,“ sagði Helena í samtali við Fréttablaðið í gær en skotnýting Íslands í umræddum leik var aðeins 34,8%. „Við höfum talað um það okkar í milli að það sé kominn tími á vinna þessa leika,“ bætti Helena við. „Við höfum verið í 2. sæti síðan ég byrjaði í þessu. Þetta eru fjórðu leikarnir mínir og ég hef alltaf fengið silfur. Það er kominn smá pirringur í okkur og okkur langar að vinna þetta loksins.“ Helena segir að íslenska liðið þekki það maltneska vel en liðin mættust í Evrópukeppni smáþjóða í fyrra. Mónakó er hins vegar óskrifað blað enda að taka þátt í fyrsta sinn í körfuboltakeppninni. Smáþjóðaleikarnir eru öðrum þræði undirbúningur fyrir undankeppni EM í haust en landsliðið hefur æft saman síðustu vikurnar.Helena er að fara að keppa á sínum fjórðu Smáþjóðaleikum.vísir/daníelUndankeppni EM framundan „Við erum á leið í undankeppni EM í haust og erum með stóran æfingahóp sem er opinn því við erum horfa aðeins lengra fram í tímann,“ sagði Helena en Ísland fer einnig á æfingamót í Danmörku í júlí þar sem liðið leikur að minnsta kosti þrjá leiki. En hvernig líst Helenu á íslenska hópinn? „Það er alltaf ákveðinn kjarni til staðar og svo eru ungar stelpur að koma upp. Þegar við byrjuðum að æfa í vor vorum við með 18-19 stelpur á æfingum sem voru allar tilbúnar að gefa allt í þetta. Ég held að það hafi ekkert verið auðvelt að velja hópinn sem er bara frábært,“ sagði Helena en þjálfari Íslands er Ívar Ásgrímsson sem hefur breytt áherslum í sóknarleik liðsins.Öðruvísi sóknarleikur hjá Ívari „Við fengum Ívar í fyrra og hann hefur spilað svolítið öðruvísi sóknarleik, þríhyrningssókn, sem ekki allar eru vanar að spila. En maður finnur alveg mun núna, þegar við erum búnar að spila þetta í eitt ár. Við erum komnar lengra í þessari vinnu og erum sterkari en við vorum í fyrrasumar,“ sagði Helena. Helena, sem spilaði með CCC Polkowice í Póllandi á nýafstöðnu tímabili, er leikreyndust í íslenska hópnum með 51 landsleik, sem er ekki mikið í ljósi þess að hún er á sínu 13. ári í landsliðinu. Verkefni kvennalandsliðsins eru ekki mörg og á árunum 2010-2011 lá landsliðið hreinlega niðri. Næstleikjahæst í hópnum er Sigrún Sjöfn Ámundadóttir með 30 landsleiki. Enginn nýliði er í hópnum en nokkir leikmenn eiga minna en tíu leiki að baki með landsliðinu. Meðal þeirra er Guðbjörg Sverrisdóttir, systir Helenu, sem lék sinn fyrsta og eina landsleik gegn Danmörku í Stykkishólmi fyrra.Guðbjörg hefur leikið með Val undanfarin ár.vísir/vilhelmSömu taktarnir hjá systrunum „Það var fyrsti leikurinn okkar saman og það er fyrst núna sem við erum farnar að spila saman,“ sagði Helena og bætti því við að hún hafi verið farin í atvinnumennsku áður en Guðbjörg kom af alvöru inn í meistaraflokkslið Hauka. Helena hlakkar til samstarfsins með litlu systur en fjórum árum munar á þeim (Helena er fædd 1988 og Guðbjörg 1992). „Ég er mjög spennt fyrir að spila með henni. Það er ótrúlega fyndið hvað við erum líkar, þó við höfum aldrei spilað saman. Við erum með sömu taktana og það er sérstakt að horfa á hana og hugsa að þetta sé bara eins og ég sé að spila.“ Helena er, sem kunnugt er, á heimleið og mun vera spilandi þjálfari hjá Haukum á næsta tímabili. Guðbjörg hefur hins vegar spilað með Val undanfarin ár. En ætlar Helena að reyna að fá litlu systur yfir í Hauka? „Jú, það er ekkert staðfest núna, en auðvitað reynir maður. Það kemur bara í ljós,“ sagði Helena í léttum dúr að lokum. Íslenski körfuboltinn Mest lesið Glugganum lokað: Upptalning á öllu sem átti sér stað Enski boltinn Alþjóðadómari hraunar yfir tríóið: „Þrjár kolrangar ákvarðanir“ Körfubolti KKÍ kvartar til FIBA vegna dómgæslunnar Körfubolti „Hlýtur eitthvað skrýtið að hafa átt sér stað í höfði þessara einstaklinga“ Körfubolti „Eins og að dómararnir hefðu veðjað á þennan leik“ Körfubolti „Hjartað rifið úr okkur“ Körfubolti Birkir Bjarnason leggur skóna á hilluna Fótbolti Veifuðu eftir dómurunum sem flúðu af vettvangi: „Eðlilegt að þeir hlaupi í burtu“ Körfubolti Sjáðu Viktor Gísla fá hópknús eftir að hafa tryggt Barcelona titil Handbolti Isak dýrastur í sögu ensku úrvalsdeildarinnar Enski boltinn Fleiri fréttir Þýskaland vann Bretland með 63 stiga mun EM í dag: Helgin frá helvíti Erfitt að sofa og vera einn með eigin hugsunum Ísland með verstu þriggja stiga nýtinguna á EM „Hlýtur eitthvað skrýtið að hafa átt sér stað í höfði þessara einstaklinga“ KKÍ kvartar til FIBA vegna dómgæslunnar Besta sætið um Tryggva: „Hafði aldrei heyrt um Eið Smára, Jón Arnór eða Óla Stef“ Bara ofurstjörnur úr NBA með hærra framlag en Tryggvi á EM Alþjóðadómari hraunar yfir tríóið: „Þrjár kolrangar ákvarðanir“ „Eins og að dómararnir hefðu veðjað á þennan leik“ Skýrsla Henrys: Rændir í gini ljónsins „Fannst tækifærið vera tekið af okkur“ „Vont er þeirra ranglæti. Verra er þeirra réttlæti“ „Bíður í átta ár eftir svona móti og þetta eru vinnubrögðin“ Veifuðu eftir dómurunum sem flúðu af vettvangi: „Eðlilegt að þeir hlaupi í burtu“ „Hjartað rifið úr okkur“ „Þetta er bara gullfallegt“ Einkunnir á móti Póllandi: Tryggvi í tröllaham og nóg af töffurum í liðinu Myndasyrpa: Stuðningsmenn Íslands glaðir og ekki búnir að gefast upp Ísraelar lögðu Frakka og lyftu sér á toppinn Uppgjör: Pólland - Ísland 84-75 | Tækifærið á sigrinum hrifsað af Íslandi Íslendingar hita upp í Katowice Belgarnir espuðu upp Doncic og hann svaraði með stórleik EM í dag með Jóni Arnóri: „Við þurfum smá fokk it mode“ „Ein besta manneskja sem ég hef kynnst“ Myndasyrpa: Stúkan blá í svekkjandi tapi Loyd kreisti fram sigur fyrir Pólland EM í dag: Fimm mínútna martröð Doncic og félagar í brasi Skýrsla Vals: Illt í sálinni Sjá meira
Íslenska landsliðið í körfubolta hefur leik á morgun á 16. Smáþjóðaleikunum sem fara fram hér á landi 1.-6. júní. Ísland leikur þrjá leiki; gegn Möltu 2. júní, Mónakó tveimur dögum síðar og endar svo á leik gegn Lúxemborg 6. júní. Íslensku stelpurnar eiga harma að hefna gegn Lúxemborg en á síðustu Smáþjóðaleikum, sem fóru fram í Lúxemborg fyrir tveimur árum, tapaði Ísland fyrir heimakonum í úrslitaleik um sigur á leikunum, 59-62. Helena Sverrisdóttir var atkvæðamest í liði Íslands í þessum leik en hún skoraði 17 stig og tók 16 fráköst. Helena segir að þessi leikur sitji í henni.Þreyttar á silfrinu „Við munum allar eftir þessu. Okkur fannst við vera miklu betri í leiknum en við hittum ekki neitt og það gekk einhvern veginn ekkert upp þennan dag,“ sagði Helena í samtali við Fréttablaðið í gær en skotnýting Íslands í umræddum leik var aðeins 34,8%. „Við höfum talað um það okkar í milli að það sé kominn tími á vinna þessa leika,“ bætti Helena við. „Við höfum verið í 2. sæti síðan ég byrjaði í þessu. Þetta eru fjórðu leikarnir mínir og ég hef alltaf fengið silfur. Það er kominn smá pirringur í okkur og okkur langar að vinna þetta loksins.“ Helena segir að íslenska liðið þekki það maltneska vel en liðin mættust í Evrópukeppni smáþjóða í fyrra. Mónakó er hins vegar óskrifað blað enda að taka þátt í fyrsta sinn í körfuboltakeppninni. Smáþjóðaleikarnir eru öðrum þræði undirbúningur fyrir undankeppni EM í haust en landsliðið hefur æft saman síðustu vikurnar.Helena er að fara að keppa á sínum fjórðu Smáþjóðaleikum.vísir/daníelUndankeppni EM framundan „Við erum á leið í undankeppni EM í haust og erum með stóran æfingahóp sem er opinn því við erum horfa aðeins lengra fram í tímann,“ sagði Helena en Ísland fer einnig á æfingamót í Danmörku í júlí þar sem liðið leikur að minnsta kosti þrjá leiki. En hvernig líst Helenu á íslenska hópinn? „Það er alltaf ákveðinn kjarni til staðar og svo eru ungar stelpur að koma upp. Þegar við byrjuðum að æfa í vor vorum við með 18-19 stelpur á æfingum sem voru allar tilbúnar að gefa allt í þetta. Ég held að það hafi ekkert verið auðvelt að velja hópinn sem er bara frábært,“ sagði Helena en þjálfari Íslands er Ívar Ásgrímsson sem hefur breytt áherslum í sóknarleik liðsins.Öðruvísi sóknarleikur hjá Ívari „Við fengum Ívar í fyrra og hann hefur spilað svolítið öðruvísi sóknarleik, þríhyrningssókn, sem ekki allar eru vanar að spila. En maður finnur alveg mun núna, þegar við erum búnar að spila þetta í eitt ár. Við erum komnar lengra í þessari vinnu og erum sterkari en við vorum í fyrrasumar,“ sagði Helena. Helena, sem spilaði með CCC Polkowice í Póllandi á nýafstöðnu tímabili, er leikreyndust í íslenska hópnum með 51 landsleik, sem er ekki mikið í ljósi þess að hún er á sínu 13. ári í landsliðinu. Verkefni kvennalandsliðsins eru ekki mörg og á árunum 2010-2011 lá landsliðið hreinlega niðri. Næstleikjahæst í hópnum er Sigrún Sjöfn Ámundadóttir með 30 landsleiki. Enginn nýliði er í hópnum en nokkir leikmenn eiga minna en tíu leiki að baki með landsliðinu. Meðal þeirra er Guðbjörg Sverrisdóttir, systir Helenu, sem lék sinn fyrsta og eina landsleik gegn Danmörku í Stykkishólmi fyrra.Guðbjörg hefur leikið með Val undanfarin ár.vísir/vilhelmSömu taktarnir hjá systrunum „Það var fyrsti leikurinn okkar saman og það er fyrst núna sem við erum farnar að spila saman,“ sagði Helena og bætti því við að hún hafi verið farin í atvinnumennsku áður en Guðbjörg kom af alvöru inn í meistaraflokkslið Hauka. Helena hlakkar til samstarfsins með litlu systur en fjórum árum munar á þeim (Helena er fædd 1988 og Guðbjörg 1992). „Ég er mjög spennt fyrir að spila með henni. Það er ótrúlega fyndið hvað við erum líkar, þó við höfum aldrei spilað saman. Við erum með sömu taktana og það er sérstakt að horfa á hana og hugsa að þetta sé bara eins og ég sé að spila.“ Helena er, sem kunnugt er, á heimleið og mun vera spilandi þjálfari hjá Haukum á næsta tímabili. Guðbjörg hefur hins vegar spilað með Val undanfarin ár. En ætlar Helena að reyna að fá litlu systur yfir í Hauka? „Jú, það er ekkert staðfest núna, en auðvitað reynir maður. Það kemur bara í ljós,“ sagði Helena í léttum dúr að lokum.
Íslenski körfuboltinn Mest lesið Glugganum lokað: Upptalning á öllu sem átti sér stað Enski boltinn Alþjóðadómari hraunar yfir tríóið: „Þrjár kolrangar ákvarðanir“ Körfubolti KKÍ kvartar til FIBA vegna dómgæslunnar Körfubolti „Hlýtur eitthvað skrýtið að hafa átt sér stað í höfði þessara einstaklinga“ Körfubolti „Eins og að dómararnir hefðu veðjað á þennan leik“ Körfubolti „Hjartað rifið úr okkur“ Körfubolti Birkir Bjarnason leggur skóna á hilluna Fótbolti Veifuðu eftir dómurunum sem flúðu af vettvangi: „Eðlilegt að þeir hlaupi í burtu“ Körfubolti Sjáðu Viktor Gísla fá hópknús eftir að hafa tryggt Barcelona titil Handbolti Isak dýrastur í sögu ensku úrvalsdeildarinnar Enski boltinn Fleiri fréttir Þýskaland vann Bretland með 63 stiga mun EM í dag: Helgin frá helvíti Erfitt að sofa og vera einn með eigin hugsunum Ísland með verstu þriggja stiga nýtinguna á EM „Hlýtur eitthvað skrýtið að hafa átt sér stað í höfði þessara einstaklinga“ KKÍ kvartar til FIBA vegna dómgæslunnar Besta sætið um Tryggva: „Hafði aldrei heyrt um Eið Smára, Jón Arnór eða Óla Stef“ Bara ofurstjörnur úr NBA með hærra framlag en Tryggvi á EM Alþjóðadómari hraunar yfir tríóið: „Þrjár kolrangar ákvarðanir“ „Eins og að dómararnir hefðu veðjað á þennan leik“ Skýrsla Henrys: Rændir í gini ljónsins „Fannst tækifærið vera tekið af okkur“ „Vont er þeirra ranglæti. Verra er þeirra réttlæti“ „Bíður í átta ár eftir svona móti og þetta eru vinnubrögðin“ Veifuðu eftir dómurunum sem flúðu af vettvangi: „Eðlilegt að þeir hlaupi í burtu“ „Hjartað rifið úr okkur“ „Þetta er bara gullfallegt“ Einkunnir á móti Póllandi: Tryggvi í tröllaham og nóg af töffurum í liðinu Myndasyrpa: Stuðningsmenn Íslands glaðir og ekki búnir að gefast upp Ísraelar lögðu Frakka og lyftu sér á toppinn Uppgjör: Pólland - Ísland 84-75 | Tækifærið á sigrinum hrifsað af Íslandi Íslendingar hita upp í Katowice Belgarnir espuðu upp Doncic og hann svaraði með stórleik EM í dag með Jóni Arnóri: „Við þurfum smá fokk it mode“ „Ein besta manneskja sem ég hef kynnst“ Myndasyrpa: Stúkan blá í svekkjandi tapi Loyd kreisti fram sigur fyrir Pólland EM í dag: Fimm mínútna martröð Doncic og félagar í brasi Skýrsla Vals: Illt í sálinni Sjá meira