Listakona hellir sér yfir Bjarna og Sigmund og segir þá níska

„Þessi lúðasveinn.. á málverkinu á veggnum... hvað heitir hann aftur??? er með ferlega há og mikil laun, fríðindi og bílstjóra etc etc etc.... fyrir það eitt að bulla, bjórast og gera bara annskotann ekki neitt nema sanka að sér litlu krónunum af þeim sem minna mega sín. Hann tímir ekki að kaupa málverk af sjálfum sér, þar sem hann er látinn líta actually betur út en hann gerir, stórt og veglegt málverk, fyrir skítnar 300.000 kr, sem er ca það sem hann eyðir i áfengi og veitingastaði á fáeinum dögum.“

Svo hljóðar byrjun mikils reiðilesturs sem listakonan Ýrr Baldursdóttir skrifar á Facebook-síðu sína. Hún er að tala um Sigmund Davíð Gunnlaugsson en samkvæmt Ýrr liggur nú fyrir að hann ætlar ekki að kaupa veglega mynd sem listakonan gerði af honum.

Ýrr hefur vakið verulega athygli fyrir myndir sem hún hefur gert af bæði Sigmundi Davíð Gunnlaugssyni forsætisráðherra og Bjarna Benediktssyni fjármálaráðherra, en hún vildi bjóða verkin upp í þágu góðs málefnis. Hún er afar ósátt við það að hvorki Sigmundur né Bjarni vilji kaupa myndirnar. Bjarni fær sinn skammt einnig, en Ýrr er afar ósátt við að þeir skuli ekki sjá sóma sinn í að kaupa verkin.

Af lestrinum má ljóst vera að Ýrr þykir ekki mikið til þeirra landsfeðra vorra koma nú og telur sig hafa gert mikil mistök með að vinna af þeim þessar tilkomumiklu portrettmyndir. Því þeir hugsa fyrst og fremst um rassinn á sjálfum sér, að mati listakonunnar.

Reiðilestur Ýrrar má sjá hér að neðan.

Frá mér, Ýrr dóttur Baldurs:.."Ég veit og skil afhverju mörgum fannst erfitt að skilja hvernig eg gat sett þennan mann...

Posted by Ýrr Valkyrja Baldursdóttir on Sunday, December 20, 2015