Málaði stundum yfir myndir pabba Gunnþóra Gunnarsdóttir skrifar 14. janúar 2015 13:00 Vísir/GVA Einar Hákonarson er að raða upp myndum sínum í vestursal Kjarvalsstaða, ásamt aðstoðarmönnum. Þær eru margar stórar og litríkar og hver og ein segir sína sögu. Yfirskrift sýningarinnar er Púls tímans. Hún er sótt í titil eins verksins sem er málað undir áhrifum fyrstu hjartaflutninga á milli manna en á líka afar vel við því augljóst er að Einar hefur haft puttann á púlsi tímans síðustu áratugi. Þarna eru verk frá því kvennabaráttan stóð sem hæst á áttunda áratugnum, Horfin sjónarmið sýnir hnípið fólk við fagran fjörð þegar allur kvóti er farinn og Kringum gullkálfinn er sláandi verk, þar sést kvenlíkami meðal kjötskrokka en í forgrunni er dílað um verð. Listamaðurinn er greinilega rammpólitískur. „Það er hægt að skoða myndirnar í sögulegu samhengi og sýningarstjórinn, Ingiberg Magnússon, er að búa til texta sem settir verða upp við þær,“ segir Einar. „En maður útskýrir ekki guð og ekki heldur list.“ Trúarleg stef eru sterk í sumum verkum Einars sem tengd eru inn í íslenskar aðstæður og stundum er hann eins og spámaður. Ein myndin frá 1987 sýnir konu og mann með mósaíknet á milli sín. Hún á að túlka tölvusamskipti, þó máluð sé áður en internetvæðingin fer á flug.Listabakteríuna kveðst Einar hafa frá föður sínum, Hákoni Sumarliðasyni, og bróður hans, Bjarna. „Ég byrjaði að mála með litunum hans pabba og notaði strigann hans líka, málaði stundum yfir myndirnar hans.“ Elsta myndin á sýningunni varð þannig til, að hans sögn, hana málaði hann ellefu ára gamall. Einar hélt sína fyrstu sýningu í Bogasal Þjóðminjasafnsins 1968. Þar má greina áhrif poppsins og hann minnist þess að Margrét Jónsdóttir, eiginkona meistara Þórbergs, hafi ekki verið sátt heldur klagað í Kristján Eldjárn þjóðminjavörð yfir að þvílíku drasli væri hleypt þar inn. Einar er sjötugur í dag en ætlar bara að halda upp á það með fjölskyldunni. Hann á heimili á tveimur stöðum, í borginni og á Hólmavík – segir hvergi betra að mála en við Steingrímsfjörðinn.Sýning hans á Kjarvalsstöðum er sú fyrsta í meira en 20 ár. „Málverkið hefur ekki átt upp á pallborðið undanfarna tvo til þrjá áratugi en nú er það að breytast,“ segir hann. „Ég er rosalega ánægður með það.“ Einar var enn í framhaldsnámi í Valand, listaháskólanum í Gautaborg, þegar hann vann myndlistarverðlaun Norðurlandaráðs og verk hans voru sýnd í Louisiana-safninu í Kaupmannahöfn. Hann hefur á ferli sínum haldið yfir 40 einkasýningar og tekið þátt í fjölda samsýninga víða um lönd. Einar var einn af frumkvöðlum grafíklistar á Íslandi, skólastjóri Myndlista- og handíðaskólans 1978-1982, listrænn forstöðumaður Kjarvalsstaða og Ásmundarsafns 1987-1988 og formaður stjórnar Kjarvalsstaða 1982-1986. Þá byggði hann árið 1996 Listaskálann í Hveragerði sem hýsir nú Listasafn Árnesinga. Menning Mest lesið Selja íbúð í Vesturbænum: „Við eigum of mörg börn til að búa í henni áfram“ Lífið Ástfangin á ný Lífið Elli Egils hélt að Elli Egils væri grín Lífið Lýsir raunum einhleypra í Reykjavík: „Tilhugalífið minnir á lélegt bókunarkerfi“ Lífið Auður í Bæjarbíói: Frá slaufun í standandi fagnaðarlæti Gagnrýni Hefur keypt fasteignir fyrir rúman milljarð íslenskra króna á árinu Lífið Er ekki eðlilegt að stunda kynlíf á afmælinu? Lífið Fargufan nýjasta æðið á Íslandi Lífið Vaða beint í aðra bók eftir Sigríði Hagalín Bíó og sjónvarp Hollywood-stjarna slær sér upp með prins Lífið Fleiri fréttir Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Sjá meira
Einar Hákonarson er að raða upp myndum sínum í vestursal Kjarvalsstaða, ásamt aðstoðarmönnum. Þær eru margar stórar og litríkar og hver og ein segir sína sögu. Yfirskrift sýningarinnar er Púls tímans. Hún er sótt í titil eins verksins sem er málað undir áhrifum fyrstu hjartaflutninga á milli manna en á líka afar vel við því augljóst er að Einar hefur haft puttann á púlsi tímans síðustu áratugi. Þarna eru verk frá því kvennabaráttan stóð sem hæst á áttunda áratugnum, Horfin sjónarmið sýnir hnípið fólk við fagran fjörð þegar allur kvóti er farinn og Kringum gullkálfinn er sláandi verk, þar sést kvenlíkami meðal kjötskrokka en í forgrunni er dílað um verð. Listamaðurinn er greinilega rammpólitískur. „Það er hægt að skoða myndirnar í sögulegu samhengi og sýningarstjórinn, Ingiberg Magnússon, er að búa til texta sem settir verða upp við þær,“ segir Einar. „En maður útskýrir ekki guð og ekki heldur list.“ Trúarleg stef eru sterk í sumum verkum Einars sem tengd eru inn í íslenskar aðstæður og stundum er hann eins og spámaður. Ein myndin frá 1987 sýnir konu og mann með mósaíknet á milli sín. Hún á að túlka tölvusamskipti, þó máluð sé áður en internetvæðingin fer á flug.Listabakteríuna kveðst Einar hafa frá föður sínum, Hákoni Sumarliðasyni, og bróður hans, Bjarna. „Ég byrjaði að mála með litunum hans pabba og notaði strigann hans líka, málaði stundum yfir myndirnar hans.“ Elsta myndin á sýningunni varð þannig til, að hans sögn, hana málaði hann ellefu ára gamall. Einar hélt sína fyrstu sýningu í Bogasal Þjóðminjasafnsins 1968. Þar má greina áhrif poppsins og hann minnist þess að Margrét Jónsdóttir, eiginkona meistara Þórbergs, hafi ekki verið sátt heldur klagað í Kristján Eldjárn þjóðminjavörð yfir að þvílíku drasli væri hleypt þar inn. Einar er sjötugur í dag en ætlar bara að halda upp á það með fjölskyldunni. Hann á heimili á tveimur stöðum, í borginni og á Hólmavík – segir hvergi betra að mála en við Steingrímsfjörðinn.Sýning hans á Kjarvalsstöðum er sú fyrsta í meira en 20 ár. „Málverkið hefur ekki átt upp á pallborðið undanfarna tvo til þrjá áratugi en nú er það að breytast,“ segir hann. „Ég er rosalega ánægður með það.“ Einar var enn í framhaldsnámi í Valand, listaháskólanum í Gautaborg, þegar hann vann myndlistarverðlaun Norðurlandaráðs og verk hans voru sýnd í Louisiana-safninu í Kaupmannahöfn. Hann hefur á ferli sínum haldið yfir 40 einkasýningar og tekið þátt í fjölda samsýninga víða um lönd. Einar var einn af frumkvöðlum grafíklistar á Íslandi, skólastjóri Myndlista- og handíðaskólans 1978-1982, listrænn forstöðumaður Kjarvalsstaða og Ásmundarsafns 1987-1988 og formaður stjórnar Kjarvalsstaða 1982-1986. Þá byggði hann árið 1996 Listaskálann í Hveragerði sem hýsir nú Listasafn Árnesinga.
Menning Mest lesið Selja íbúð í Vesturbænum: „Við eigum of mörg börn til að búa í henni áfram“ Lífið Ástfangin á ný Lífið Elli Egils hélt að Elli Egils væri grín Lífið Lýsir raunum einhleypra í Reykjavík: „Tilhugalífið minnir á lélegt bókunarkerfi“ Lífið Auður í Bæjarbíói: Frá slaufun í standandi fagnaðarlæti Gagnrýni Hefur keypt fasteignir fyrir rúman milljarð íslenskra króna á árinu Lífið Er ekki eðlilegt að stunda kynlíf á afmælinu? Lífið Fargufan nýjasta æðið á Íslandi Lífið Vaða beint í aðra bók eftir Sigríði Hagalín Bíó og sjónvarp Hollywood-stjarna slær sér upp með prins Lífið Fleiri fréttir Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Sjá meira