Handbolti

Furstadæmin draga lið sitt úr keppni | Líklegt að Ísland verði með í Katar

Ingvi Þór Sæmundsson skrifar
Alexander og félagar gætu verið á leiðinni til Katar eftir allt saman.
Alexander og félagar gætu verið á leiðinni til Katar eftir allt saman. Vísir/Vilhelm
Dramatíkin í kringum HM í handbolta í Katar á næsta ári virðist engan enda ætla að taka, en franska fréttastofan AFP hefur greint að Sameinuðu arabísku furstadæmin hafi dregið lið sitt úr keppni, sem þýðir væntanlega að möguleikar Íslendinga að taka sæti á HM hafa aukist til mikilla muna.

Bahrein dró lið sitt úr keppni í gær og SAF hefur farið sömu leið vegna pólitískra deilna við Katar. Suður-Kórea er fyrsta varaþjóð Asíu og líklegt þykir að fyrsta varaþjóð Evrópu sem eru Íslendingar muni fá annað sætið.

HSÍ stendur í málaferlum við Alþjóða handknattleikssambandið vegna úthlutunar á sæti til Þýskalands eftir að Áströlum var vísað frá keppni.

Spurningin er hins vegar sú hvort málaferlin gegn IHF sem HSÍ ákvað að reka komi til með að hafa áhrif hvaða lið verði valið til keppni á HM í Katar.

Handbolti

Tengdar fréttir

HSÍ ætlar að berjast fyrir farseðlinum til Katar

Möguleikar Íslands á að taka þátt á HM í Katar í janúar jukust mikið í gær þegar Barein ákvað að draga lið sitt úr keppni. Nýju reglurnar hjá IHF, sem urðu þess valdandi að Þjóðverjar fóru á HM en ekki Ísland, gætu á endanum orðið þess valdandi að Ísland

HSÍ er búið að hafa samband við IHF

Það er óvænt eitt opið sæti á HM og formaður HSÍ hringdi í IHF í dag og ítrekaði kröfu sína um að láta Ísland fá sæti á mótinu.

Ísland með á HM í handbolta í Katar eftir allt saman?

Íslenska handboltalandsliðið gæti verið á leiðinni á HM í Katar í janúar eftir allt saman vegna ástandsins við Persaflóann en svo gæti farið að bæði Barein og Sameinuðu arabísku Furstadæmunum yrði meinuð þátttaka á HM.

Fer Ísland í riðil með Guðmundi og Degi?

Fari svo að íslenska landsliðið taki sæti Barein á HM í handbolta í Katar þá gætum við fengið skemmtilegt einvígi þriggja íslenskra þjálfara í riðlakeppninni.

Mest lesið


Fleiri fréttir

Sjá meira


×

Mest lesið