Taóið holdi klætt Þórður Ingi Jónsson skrifar 18. desember 2014 10:00 Þórður frá Dagverðará var lífskúnstner með meiru. Jöklarinn, brot úr sögu Þórðar Halldórssonar mesta lygara allra tíma – eða hvað? er stórmerkileg heimildarmynd Kára G. Schram um alþýðuhetjuna Þórð Halldórsson. Fólk af yngri kynslóðinni kannast ekkert við manninn en foreldrar okkar gerðu það – þetta var nefnilega þjóðþekktur lífskúnstner að vestan sem var allt í senn refaskytta, sægarpur og náttúruverndarsinni. Þetta var maður sem átti ekkert smá ævintýralegt líf en myndin gerir því skil á einfaldan og skemmtilegan hátt. Myndin er byggð upp úr viðtölum í hljóði og mynd ásamt gömlum upptökum af Þórði sem glæða myndina miklu lífi. Fjallað er um skipbrotið sem hann lenti í ungur að aldri og hvernig hann varð aldrei samur eftir að hafa náð að svindla á dauðanum.Þórður var skáld og sagnaþulur allt sitt líf og náði að stuða íslenskt myndlistarlíf með málverkum sínum, sem er einn göfugasti hlutur sem hægt er að gera í myndlistarheiminum. Þá eru sagðar stórskemmtilegar sögur af kynnum Þórðar við merka og mæta einstaklinga svo sem Dieter Roth, Gunnar Dal og Halldór Laxness. Jöklarinn er gerð ódýrt en rétt. Myndin heldur manni alveg við efnið, sem er af einstaklega áhugaverðu tagi. Saga Þórðar veitir mikinn innblástur og viðhorf hans til náttúrunnar og lífsins sjálf er gríðarlega fallegt, enda segir einn viðmælandinn að Þórður hafi eiginlega verið „taóið“ holdi klætt án þess að gera sér einu sinni grein fyrir því. Viðhorf hans til íslensku náttúrunnar gerði það að verkum að leikstjórinn lýsti honum „eins og Björk síns tíma“ en á þessum tíma stóriðju og jarðhlýnunar á vísa Þórðar enn betur við en hún gerði á sínum tíma: „Eitrað haf og eins til heiða/eitrið sígur niðrí svörð/þeir sem stjórna, þeir eru að eyða/öllu lífi hér á jörð.“ Niðurstaða: Einföld, hugljúf og falleg mynd sem ætti að veita bóhemum og náttúrubörnum mikinn innblástur. Bíó og sjónvarp Mest lesið Ofboðslega stolt af dóttur sinni Lífið Tvöföld veisla hjá Gnarr feðgum Lífið Bannaði Snorra að kjósa Arnar Þór Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Myndaveisla: Rosaleg stemming í kosningavökunum Lífið Kosningavökur frambjóðenda: Hvar verða mestu fagnaðarlætin? Lífið Tíu ráð Höllu fyrir börn sín og þín til bjargar framtíðinni Lífið „Nú er þessi sprettur á enda“ Lífið Herra Hnetusmjör og Sara selja íbúðina Lífið Fleiri fréttir Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Jöklarinn, brot úr sögu Þórðar Halldórssonar mesta lygara allra tíma – eða hvað? er stórmerkileg heimildarmynd Kára G. Schram um alþýðuhetjuna Þórð Halldórsson. Fólk af yngri kynslóðinni kannast ekkert við manninn en foreldrar okkar gerðu það – þetta var nefnilega þjóðþekktur lífskúnstner að vestan sem var allt í senn refaskytta, sægarpur og náttúruverndarsinni. Þetta var maður sem átti ekkert smá ævintýralegt líf en myndin gerir því skil á einfaldan og skemmtilegan hátt. Myndin er byggð upp úr viðtölum í hljóði og mynd ásamt gömlum upptökum af Þórði sem glæða myndina miklu lífi. Fjallað er um skipbrotið sem hann lenti í ungur að aldri og hvernig hann varð aldrei samur eftir að hafa náð að svindla á dauðanum.Þórður var skáld og sagnaþulur allt sitt líf og náði að stuða íslenskt myndlistarlíf með málverkum sínum, sem er einn göfugasti hlutur sem hægt er að gera í myndlistarheiminum. Þá eru sagðar stórskemmtilegar sögur af kynnum Þórðar við merka og mæta einstaklinga svo sem Dieter Roth, Gunnar Dal og Halldór Laxness. Jöklarinn er gerð ódýrt en rétt. Myndin heldur manni alveg við efnið, sem er af einstaklega áhugaverðu tagi. Saga Þórðar veitir mikinn innblástur og viðhorf hans til náttúrunnar og lífsins sjálf er gríðarlega fallegt, enda segir einn viðmælandinn að Þórður hafi eiginlega verið „taóið“ holdi klætt án þess að gera sér einu sinni grein fyrir því. Viðhorf hans til íslensku náttúrunnar gerði það að verkum að leikstjórinn lýsti honum „eins og Björk síns tíma“ en á þessum tíma stóriðju og jarðhlýnunar á vísa Þórðar enn betur við en hún gerði á sínum tíma: „Eitrað haf og eins til heiða/eitrið sígur niðrí svörð/þeir sem stjórna, þeir eru að eyða/öllu lífi hér á jörð.“ Niðurstaða: Einföld, hugljúf og falleg mynd sem ætti að veita bóhemum og náttúrubörnum mikinn innblástur.
Bíó og sjónvarp Mest lesið Ofboðslega stolt af dóttur sinni Lífið Tvöföld veisla hjá Gnarr feðgum Lífið Bannaði Snorra að kjósa Arnar Þór Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Myndaveisla: Rosaleg stemming í kosningavökunum Lífið Kosningavökur frambjóðenda: Hvar verða mestu fagnaðarlætin? Lífið Tíu ráð Höllu fyrir börn sín og þín til bjargar framtíðinni Lífið „Nú er þessi sprettur á enda“ Lífið Herra Hnetusmjör og Sara selja íbúðina Lífið Fleiri fréttir Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira