Hópnauðgun til saksóknara

Rannsókn á hópnauðgun sem kærð var til lögreglunnar í maí síðastliðnum er á lokastigi. Hún verður send til ríkissaksóknara á allra næstu dögum.

Friðrik Smári Björgvinsson, yfirlögregluþjónn og yfirmaður kynferðisbrotadeildar, staðfestir þetta.

Stúlka undir lögaldri kærði fimm menn fyrir nauðgun sem á að hafa átt sér stað í samkvæmi í Breiðholti í maí. Mennirnir voru allir í gæsluvarðhaldi um stund en Hæstiréttur úrskurðaði að áframhaldandi gæsluvarðhald væri óþarft. Fjórir mannanna eru undir átján ára aldri.