Kristianstad tapaði óvænt á heimavelli - Guif vann

Lærisveinar Kristjáns Andréssonar eru komnir með tveggja stiga forskot á toppi sænsku úrvalsdeildarinnar í handbolta eftir úrslitkvöldsins. Eskilstuna Guif vann sinn leik á sama tíma og Kristianstad tapaði á heimavelli þrátt fyrir stórleik íslenska landsliðsmannsins Ólafs Guðmundssonar.

Eskilstuna Guif er eitt á toppi deildarinnar og með tveimur stigum meira en Kristianstad eftir að liðið vann eins marks heimasigur á Hammarby 29-28.

Guif-liðið lenti mest fjórum mörkum undir í fyrri hálfeik en Hammarby var 17-16 yfir í hálfleik.

Helge Freiman skoraði sigurmarkið 31 sekúndu fyrir leikslok en Guif-liðið skoraði tvö síðustu mörkin í leiknum. Þetta var áttundi deildarsigur Eskilstuna Guif í röð.

Ólafur Guðmundsson og félagar í Kristianstad töpuðu óvænt 31-32 á heimavelli á móti Drott frá Halmstad sem er eitt af neðstu liðunum í deildinni. Ólafur átti flottan leik og skoraði 9 mörk úr aðeins 13 skot en það dugði ekki til.

Kristianstad var 31-30 yfir þegar rúmar þrjár mínútur voru eftir en leikmenn Drott skoruðu tvö síðustu mörk leiksins og tryggðu sér sigurinn. Kristianstad fékk síðustu sókn leiksins en tókst ekki að jafna.