Birtu óvart minningargrein

Tímaritið People gerði heldur betur mistök um helgina, þegar þeir birtu óvart minningargrein um stórleikarann Krik Douglas á heimasíðu sinni. Leikarinn er hinsvegar langt frá því að vera kominn yfir móðuna miklu, en hann er þó orðinn fjörgamall og fagnar 98 ára afmæli sínu í næstu viku þann 9.desember.

Minningargreinin, sem var dagsett 29.september,var fjarlægð af síðunni, en henni hafði verið dreift á helstu samfélagsmiðlum yfir helgina. Algengt er að stórir fjölmiðlar séu búnir að skrifa minningargreinar um þekkta einstaklinga fyrirfram svo hægt sé að birta þær strax eftir andlát.