Vinsælastir í jarðarförum

Lagið Always Look on the Bright Side of Life með grínhópnum Monty Python er vinsælasta jarðarfaralagið í Bretlandi, samkvæmt niðurstöðum nýrrar könnunar.

Lagið, sem hljómaði í kvikmyndinni The Life of Brian sem kom út 1979, var vinsælast í þeim 30 þúsund jarðarförum sem voru kannaðar af fyrirtækinu Funeralcare.

Á meðal annarra laga sem komust á topp tuttugu voru Angels með Robbie Williams, My Way með Frank Sinatra og You'll Never Walk Alone með Gerry & The Pacemakers.