Útlenski drengurinn frumsýndur

Leikritið Útlenski drengurinn var frumsýnt í Tjarnarbíói í gær á Degi íslenskrar tungu. Það er leikhópurinn Glenna sem stendur á bak við leikritið en Vigdís Jakobsdóttir leikstýrir.

Um er að ræða gamanleik með alvarlegum undirtóni. Leikritið fjallar um Dóra litla, sem er vinsælasti strákurinn í bekknum þar til hann er látinn taka svokallað Pitsa-próf sem snýr öllu lífi hans á hvolf.

Ljósmyndari Fréttablaðsins mætti í Tjarnarbíó þar sem ríkti mikil gleði yfir frumsýningunni.