Hver er Justin Timberlake?

Ein skærasta poppstjarna samtímans, Justin Timberlake er komin til landsins og kemur fram á tónleikum í Kórnum á sunndagskvöld ásamt stórhljómsveitinni The Tennessee Kids sem hefur fylgt honum um heim alla undanfarna mánuði.

Justin, sem hefur verið á tónleikaferðalagi síðan 6. nóvember 2013, er svo sannarlega á hátindi ferils síns og hefur verið uppselt á alla tónleika kappans á tónleikaferðalaginu.

Hann kom fyrst fram á sjónvarsviðið 11 ára gamall í sjónvarpsþættinum Star Search, þá undir nafninu Justin Randall. Í dag er Timberlake 33 ára gamall, á hátindi ferils síns og er einn áhrifamesti tónlistarmaður í heimi í dag

Vissir þú þetta um JT?

Hann var fyrsta frægðarljónið sem var tekið í þáttunum Punk´d, sem leikarinn Ashton Kutcher hafði umsjón með.

Hann er mikill aðdáandi okkar íslensku Bjarkar.

Hann kallar sjálfan sig mömmustrák og hefur sagt frá því opinberlega að hann hafi ekki gert neitt án þess að móðir hans vissi af því.

Hann er mikill golfari og spilar eins mikið golf og hann getur. Þá hefur hann einnig mikinn áhuga á mótorhjólum og á nokkur slík sjálfur.

Hann er með fimm húðflúr og hefur móðir hans gefið honum leyfi til þess að fá sér eitt flúr í viðbót.

Hann lærði á gítar í þrjár vikur og þótti það svo leiðinlegt að hann ákvað læra þetta bara sjálfur og er því sjálflærður.

Ástir Justins Timberlake

1996 var því haldið fram að Justin og söngkona Fergie úr Black Eyed Peas væru að hittast.

1999 Stjörnuparið Justin Timberlake og Britney Spears byrjuðu saman árið 1999 og voru saman þangað til í mars árið 2002. Um er að ræða eitt þekktasta par Hollywood-sögunnar en þau hafa verið vinir frá því þau voru barnung. Þau kynntust í Mikka mús-klúbbnum og voru hið fullkomna par um stund.

2002 var orðrómur á kreiki um að Justin og bandaríska leikkonan og dansarinn Jenna Dewan-Tatum væru að deita árið 2002. Hún var dansari hjá hljómsveitinni ´N Sync á sínum tíma.

2002 átti Justin vingott við leikkonuna Alyssa Milano og þóttu þau afar sætt par en sambandið gekk því miður ekki upp.

2003 byrjuðu Justin Timberlake og leikkonan Cameron Diaz saman. Parið fékk mikla athygli enda um að ræða tvær mjög þekktar stjörnur. Þau voru saman til ársins 2006. Þau léku saman í kvikmyndinni Bad Teacher árið 2010/2011 og fór þá orðrómur á kreik um að þau væru byrjuð saman á ný.

2007 var mikið talað um að Justin og leikkonan Scarlett Johansson væru byrjuð saman. Scarlett lék í tónlistarmyndbandi kappans við lagið What Goes Around…Comes Around. Ekkert var þó staðfest um orðróminn.

2007 Justin fór að deita núverandi eiginkonu sína, leikkonuna Jessicu Biel. Þau voru strax álitin hið fullkomna par, hæfileikarík og glæsileg í alla staði. Árið 2010 spurðist að þau væru hætt saman á kreik og var hann staðfestur árið 2011 þegar þau héldu í sitt hvora áttina.

2010 Því haldið fram í fjölmiðlum að Justin hefði haldið framhjá Biel með sjónvarpskonunni Olivia Munn.

2011 sást til Justins knúsa leikkonuna Oliviu Wilde á skemmtistað í Hollywood. Talið var að þau væru að byrja saman en svo kom á daginn að einungis vinskapur var á milli þeirra.

2011 var slúðrað um það að Justin og leikkonan og tvíburinn Ashley Olsen væru að deita en stjörnurnar neituðu að staðfesta það.

2011 Sumarið árið 2011 byrjuðu Justin og Jessica Biel aftur saman. Allt hefur leikið í lyndi síðan hjá þeim og gengu þau í hjónaband á Ítalíu árið 2012.

Viðskiptamaðurinn Justin Timberlake 

Justin er vel að sér í peningamálum og hefur fjárfest víðsvegar.

Árið 2005 bjó Justin til sína eigin tískufatalínu undir nafninu, William Ras. Fatalínan kemur ekki eingöngu frá Justin því að æskuvinur hans, Trace Ayala á einnig hlut í henni.

Justin á hlut í NBA-körfuknattleiksliðinu Memphis Grizzlies.

Hann á hlut í tekíla-vörumerkinu 901.

Hann á sitt eigið útgáfufyrirtæki sem heitir Tennman Records. Fyrirtækið stofnaði hann árið 2007.

Tónlistarmaðurinn Justin Timberlake

1995 varð strákasveitin ´N Sync til og var Timberlake lykilmaður í þeirri sveit.

2000 N‘Sync gaf út plötu árið sem heitir, No Strings Attacheden hún seldist í 1,1 milljón eintaka fyrsta daginn sem hún var í sölu og í 2,4 milljónum eintaka fyrstu vikuna.

2002 Hljómsveitin hætti. Þó komu hún fram á VMA-hátíðinni á síðasta ári.

Justin Timberlake hefur gefið út fjórar breiðskífur sem allar hafa selst í bílförmum

2002Justified

2006FutureSex/LoveSounds

2013 The 20/20 Experience og The 20/20 Experience – 2 of 2

Árið 2014 kom lagið, Love Never Felt So Good út. Í laginu syngur Timberlake með Michael Jackson en lagið er að finna á plötunni Xscape sem kom út fyrr á árinu.

Leikarinn Justin Timberlake

Fyrir utan tónlistina hefur Justin leikið í fjölda kvikmynda. Fyrsta stóra myndin sem hann lék í var kvikmyndin Edison, þar sem hann lék á móti Morgan Freeman og Kevin Spacey.

Hann er líklega þekktastur fyrir leik sinn í myndum á borð við: 

Edison - 2005

Love Guru - 2008

The Social Network - 2010

Friends With Benefits - 2011

Bad Teacher - 2011

Runner Runner - 2013

Þá hefur hann einnig verið tíður gestur á sjónvarpsþáttum á borð við Saturday Night Live, The Tonight Show með Jimmy Fallon og fleiri hressum þáttum.