Söngleikjadeildin vekur mikla lukku

Hin glænýja söngleikjadeild Sigurðar Demetz með Völu Guðna, Þór Breiðfjörð og Jóhönnu Þórhalls við stjórnvölinn, lauk sínu fyrsta ári með glans með því að setja söngleikinn Hárið upp í Iðnó. Uppselt var á sýningarnar og þurfti að bæta við sætum til að koma fólki að.

„Þetta var frábært ár, við erum í skýjunum yfir krökkunum. Einhver af þeim eiga sjálfsagt eftir að sjást á fjölum í framtíðinni,“ segir Þór Breiðfjörð, sem er ákaflega sáttur með fyrsta starfsár söngleikjadeildarinnar.

Á meðal gesta voru miðborgarstjórinn Jakob Frímann Magnússon, Þorsteinn Bachmann leikari og Signý Sæmundsdóttir söngkona.