Listaverk á tískupallinn

Tískuhúsið Prada vakti þó nokkra athygli er vor- og sumartískan var frumsýnd á tískuvikunni í Mílanó síðasta haust.

Samkvæmt yfirhönnuði Prada eigum við að klæðast fatnaði sem ætti kannski betur heima í ramma uppi á vegg en inni í fataskáp. Kjólar og kápur með ýmiss konar teikningum í sterkum litum framan á voru áberandi hjá tískuhúsinu fornfræga.

Ritstjóri bandaríska Vogue, Anna Wintour, hefur meðal annars tekið þessari sumartískubólu opnum örmum og kannski munu fleiri klæðast fatnaði prýddum fögrum teikningum með hækkandi sól.  

Á meðfylgjandi myndum er allavega hægt að fá góðan innblástur.