Fjáröflunarátak Barnaheilla

Fjáröflunarátakið „Út að borða fyrir börnin“ hófst um helgina og stendur yfir til 15. mars. Átakið felst í því að andvirði, eða hluti andvirðis, ákveðinna rétta hjá þeim veitingastöðum sem taka þátt rennur til samtakanna Barnaheilla – Save the Children á Íslandi.

Í ár taka 22 veitingastaðir þátt í átakinu. Á vefsíðu Barnaheilla má sjá hvaða staðir taka þátt og með hvaða hætti.



„Við erum afskaplega ánægð með þessa frábæru veitingastaði sem styðja mannréttindi barna með þessum hætti,“ segir Erna Reynisdóttir, framkvæmdastjóri samtakanna í tilkynningu.