Fjölbreytni í Húsdýragarði

Í febrúar ætlar Fjölskyldu- og húsdýragarðurinn í samstarfi við Reykjavíkurborg að standa saman að fræðslu um líffræðilega fjölbreytni.

Vakin verður athygli á þeirri fjölbreytni sem finnst innan girðingar garðsins og í íslensku dýralífi.

Víða um garðinn verða upplýsingaspjöld þar sem lesa má um þær dýrategundir sem eru þar að finna. Sérstök áhersla verður lögð á að kynna flokkunarfræði dýranna og sagt frá því hvaða dýrategundir eru þeirra nánustu ættingjar.

Einnig verður fræðsla um mikilvægi þess að varðveita líffræðilega fjölbreytni, um fjölbreytileika innan tegunda og um sérkenni íslenskra húsdýrastofna.