Varasjúkraflugvélar oft ekki til reiðu Garðar Örn Úlfarsson skrifar 30. janúar 2014 07:00 Mýflug annast rekstur flugvélar Flugmálastjórnar og notar hana sem varavél í sjúkraflugi. Ekki fæst afrit af samningum um leigu vélarinnar. Fréttablaðið/Pjetur Samkvæmt samningi Sjúkratrygginga Íslands og Mýflugs skal varaflugvél ávalt vera til taks á Akureyrarflugvelli innan 105 mínútna frá því beiðni berst ef aðalflugvélin er upptekin í öðru sjúkraflugi. Óvíst er að Mýflug uppfylli þetta ákvæði. Eins og komið hefur fram í Fréttablaðinu féllust Sjúkratryggingar Íslands á það við endurnýjun samnings við Mýflug um sjúkraflug nú um áramótin að lækka kröfu á félagið um bankaábyrgð úr 88,5 milljónum króna í 44 milljónir. Ástæður voru sagðar vanefndalaus viðskipti frá upphafi og að Mýflug hefði tvær varasjúkraflugvélar. Varaflugvélarnar sem vísað er til eru annars vegar flugvél Flugmálastjórnar, TF-FMS, sem félagið leigir af Isavia og hins vegar TF-NLB, sem er flugvél í eigu flugfélagsins Norlandair á Akureyri.Varavél í öðrum verkefnum Sem fyrr segir á varaflugvél ávallt að vera til taks innan við 105 mínútum frá því beiðni berst ef aðalflugvélin er upptekin í öðru sjúkraflugi. Erfitt er að sjá að Mýflug uppfylli þetta því hinar vélararnar tvær eru alls ekki ávallt til taks og eru jafnvel erlendis. Í gögnum Mýflugs í útboði fyrir rúmu ári er vísað til samnings sem gerður var við Flugstoðir (síðar Isavia) árið 2008 „um rekstur flugvélar fyrirtækisins sem ætluð er til flugmælinga og annarra flugverkefna.“ Sú vél er sem sagt oft upptekin í verkefnum vítt og og breitt, jafnvel í Færeyjum og á Grænlandi. Að auki er sú vél í Reykjavík en ekki á Akureyrarflugvelli, þaðan sem sjúkraflugi er sinnt af sérþjálfuðum mannskap sjúkrahússins og slökkviliðsins og ýmis lífsnauðsynleg tæki eru staðsett.Fyrir viku sagði Fréttablaðið frá því að Sjúkratryggingar Íslands hefðu samþykkt að lækka kröfu um bankaábyrgð vegna sjúkraflugs Mýflugs um helming.Heiðursmannasakomulag um varaflugvél Enn síður virðist vél Norlandair vera til taks fyrir Mýflug fyrirvaralaust enda hefur enginn formlegur samningur verið um slíkt og sú vél er í margvíslegum verkefnum hjá Norlandair. „Það er bara heiðursmannasamkomulag milli mín og Leifs [Hallgrímssonar, framkvæmdastjóra Mýflugs]. Alveg eins og hann hjálpar mér þá hjálpa ég honum. Þetta hefur allt gengið þokkalega vel,“ segir Friðrik Adolfsson, framkvæmdastjóri Norlandair. Umrædd flugvél Norlandair er útbúin sjúkraflutningabúnaði en hún er fjarri því alltaf til reiðu fyrir Mýflug. „Við erum náttúrulega að nota hana fyrir okkur. Við erum með samning við Air Greenland um að sjá um sjúkraflug milli Íslands og Grænlands og milli Íslands og Danmerkur,“ segir hann. TF-NLB er auk þess í ýmsu öðru farþega- og leiguflugi hjá Norlandair.„Nánast hægt að ganga á milli flugvéla“ Miðað við framangreint stenst vart sú mynd sem Mýflug dregur upp af stöðu varaflugvélanna í gögnum sínum í útboðinu í nóvember 2012: „Önnur er jafnan staðsett á Akureyri (TF-NLB) en hin í Reykjavík (TF-FMS). Veitir þetta einstakt rekstraröryggi þar sem varaflugvél er staðsett á báðum helstu flugvöllum verkefnisins og því nánast hægt að ganga á milli flugvéla hvort heldur er á Akureyri eða í Reykjavík og halda áfram flugi komi til þess að aðalflugvélin bili.“ Þess má geta að Isavia hefur neitað beiðni Fréttablaðsins um afrit af samningum sínum við Mýflug um leigu á TF-FMS og um þjónustu flugfélagsins við stofnunina. Sagt er að upplýsingalögin veiti aðgang að gögnum hjá Isavia fyrir 1. júlí 2013 og að Isavia veiti ekki aðgang að gögnum er varði fjárhags- eða viðskiptahagsmuni fyrirtækja. Mest lesið Ferðamaður fannst látinn og þriggja saknað á eyjum Grikklands Erlent „Þetta var bara eins og hryðjuverk“ Innlent Palestínufánar í Mosfellsbæ vekja upp misgóð viðbrögð Innlent Hver er þessi 28 ára maður sem gæti orðið forsætisráðherra Frakka? Erlent Vitni segir bílinn hafa ekið hratt fram úr sér skömmu fyrir slysið Innlent Fjallkonan í ár er Ebba Katrín Innlent „Hvernig getur sama fólk snúist svona í skoðunum sínum?“ Innlent Efast viðbrögð frá ráðherrum í ljósi „sjálfsmorðsmissjóns“ VG Innlent Netanjahú leysir stríðsráðið upp Erlent Flokkurinn standi ekki lengur með mannréttindum Innlent Fleiri fréttir Hvergi betra að búa en á Íslandi Palestínufánar í Mosfellsbæ vekja upp misgóð viðbrögð Efast viðbrögð frá ráðherrum í ljósi „sjálfsmorðsmissjóns“ VG Skora á Sjúkratryggingar að semja við tvo heimilislækna Flokkurinn standi ekki lengur með mannréttindum Fjallkonan í ár er Ebba Katrín Þjóðhátíðardagur, Arnarlax og úrsögn úr Samfylkingunni Rafmagn er komið á í Mosfellsbæ Eldur kviknaði í iðnaðarhúsnæði í Hafnarfirði „Þetta var bara eins og hryðjuverk“ „Hvernig getur sama fólk snúist svona í skoðunum sínum?“ Sælkerasveppir ræktaðir í gróðrarstöð í Mosfellsdal Óttast að Quang Le hafi samband við þolendur Vitni segir bílinn hafa ekið hratt fram úr sér skömmu fyrir slysið Altjón í tíu búðum Kringlunnar og undirbúningur fyrir þjóðhátíðardaginn Oddviti Garðarbæjarlistans hættir í Samfylkingunni Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Slökkvistarf í Kringlunni og staða Vinstri grænna Laxateljari greinir eldislaxa frá villtum löxum Ferðaþjónustan, þingmálin og Running Tide í Sprengisandi Sjá meira
Samkvæmt samningi Sjúkratrygginga Íslands og Mýflugs skal varaflugvél ávalt vera til taks á Akureyrarflugvelli innan 105 mínútna frá því beiðni berst ef aðalflugvélin er upptekin í öðru sjúkraflugi. Óvíst er að Mýflug uppfylli þetta ákvæði. Eins og komið hefur fram í Fréttablaðinu féllust Sjúkratryggingar Íslands á það við endurnýjun samnings við Mýflug um sjúkraflug nú um áramótin að lækka kröfu á félagið um bankaábyrgð úr 88,5 milljónum króna í 44 milljónir. Ástæður voru sagðar vanefndalaus viðskipti frá upphafi og að Mýflug hefði tvær varasjúkraflugvélar. Varaflugvélarnar sem vísað er til eru annars vegar flugvél Flugmálastjórnar, TF-FMS, sem félagið leigir af Isavia og hins vegar TF-NLB, sem er flugvél í eigu flugfélagsins Norlandair á Akureyri.Varavél í öðrum verkefnum Sem fyrr segir á varaflugvél ávallt að vera til taks innan við 105 mínútum frá því beiðni berst ef aðalflugvélin er upptekin í öðru sjúkraflugi. Erfitt er að sjá að Mýflug uppfylli þetta því hinar vélararnar tvær eru alls ekki ávallt til taks og eru jafnvel erlendis. Í gögnum Mýflugs í útboði fyrir rúmu ári er vísað til samnings sem gerður var við Flugstoðir (síðar Isavia) árið 2008 „um rekstur flugvélar fyrirtækisins sem ætluð er til flugmælinga og annarra flugverkefna.“ Sú vél er sem sagt oft upptekin í verkefnum vítt og og breitt, jafnvel í Færeyjum og á Grænlandi. Að auki er sú vél í Reykjavík en ekki á Akureyrarflugvelli, þaðan sem sjúkraflugi er sinnt af sérþjálfuðum mannskap sjúkrahússins og slökkviliðsins og ýmis lífsnauðsynleg tæki eru staðsett.Fyrir viku sagði Fréttablaðið frá því að Sjúkratryggingar Íslands hefðu samþykkt að lækka kröfu um bankaábyrgð vegna sjúkraflugs Mýflugs um helming.Heiðursmannasakomulag um varaflugvél Enn síður virðist vél Norlandair vera til taks fyrir Mýflug fyrirvaralaust enda hefur enginn formlegur samningur verið um slíkt og sú vél er í margvíslegum verkefnum hjá Norlandair. „Það er bara heiðursmannasamkomulag milli mín og Leifs [Hallgrímssonar, framkvæmdastjóra Mýflugs]. Alveg eins og hann hjálpar mér þá hjálpa ég honum. Þetta hefur allt gengið þokkalega vel,“ segir Friðrik Adolfsson, framkvæmdastjóri Norlandair. Umrædd flugvél Norlandair er útbúin sjúkraflutningabúnaði en hún er fjarri því alltaf til reiðu fyrir Mýflug. „Við erum náttúrulega að nota hana fyrir okkur. Við erum með samning við Air Greenland um að sjá um sjúkraflug milli Íslands og Grænlands og milli Íslands og Danmerkur,“ segir hann. TF-NLB er auk þess í ýmsu öðru farþega- og leiguflugi hjá Norlandair.„Nánast hægt að ganga á milli flugvéla“ Miðað við framangreint stenst vart sú mynd sem Mýflug dregur upp af stöðu varaflugvélanna í gögnum sínum í útboðinu í nóvember 2012: „Önnur er jafnan staðsett á Akureyri (TF-NLB) en hin í Reykjavík (TF-FMS). Veitir þetta einstakt rekstraröryggi þar sem varaflugvél er staðsett á báðum helstu flugvöllum verkefnisins og því nánast hægt að ganga á milli flugvéla hvort heldur er á Akureyri eða í Reykjavík og halda áfram flugi komi til þess að aðalflugvélin bili.“ Þess má geta að Isavia hefur neitað beiðni Fréttablaðsins um afrit af samningum sínum við Mýflug um leigu á TF-FMS og um þjónustu flugfélagsins við stofnunina. Sagt er að upplýsingalögin veiti aðgang að gögnum hjá Isavia fyrir 1. júlí 2013 og að Isavia veiti ekki aðgang að gögnum er varði fjárhags- eða viðskiptahagsmuni fyrirtækja.
Mest lesið Ferðamaður fannst látinn og þriggja saknað á eyjum Grikklands Erlent „Þetta var bara eins og hryðjuverk“ Innlent Palestínufánar í Mosfellsbæ vekja upp misgóð viðbrögð Innlent Hver er þessi 28 ára maður sem gæti orðið forsætisráðherra Frakka? Erlent Vitni segir bílinn hafa ekið hratt fram úr sér skömmu fyrir slysið Innlent Fjallkonan í ár er Ebba Katrín Innlent „Hvernig getur sama fólk snúist svona í skoðunum sínum?“ Innlent Efast viðbrögð frá ráðherrum í ljósi „sjálfsmorðsmissjóns“ VG Innlent Netanjahú leysir stríðsráðið upp Erlent Flokkurinn standi ekki lengur með mannréttindum Innlent Fleiri fréttir Hvergi betra að búa en á Íslandi Palestínufánar í Mosfellsbæ vekja upp misgóð viðbrögð Efast viðbrögð frá ráðherrum í ljósi „sjálfsmorðsmissjóns“ VG Skora á Sjúkratryggingar að semja við tvo heimilislækna Flokkurinn standi ekki lengur með mannréttindum Fjallkonan í ár er Ebba Katrín Þjóðhátíðardagur, Arnarlax og úrsögn úr Samfylkingunni Rafmagn er komið á í Mosfellsbæ Eldur kviknaði í iðnaðarhúsnæði í Hafnarfirði „Þetta var bara eins og hryðjuverk“ „Hvernig getur sama fólk snúist svona í skoðunum sínum?“ Sælkerasveppir ræktaðir í gróðrarstöð í Mosfellsdal Óttast að Quang Le hafi samband við þolendur Vitni segir bílinn hafa ekið hratt fram úr sér skömmu fyrir slysið Altjón í tíu búðum Kringlunnar og undirbúningur fyrir þjóðhátíðardaginn Oddviti Garðarbæjarlistans hættir í Samfylkingunni Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Slökkvistarf í Kringlunni og staða Vinstri grænna Laxateljari greinir eldislaxa frá villtum löxum Ferðaþjónustan, þingmálin og Running Tide í Sprengisandi Sjá meira