Forsætisráðuneytið leitar hjálpar: Þekkir þú einhvern á myndunum?

Sigmundi Davíð Gunnlaugssyni forsætisráðherra barst fyrir skömmu tölvupóstur frá Ungverjanum Armin Handler. Með póstinum fylgdu tæplega 50 myndir og segir Handler að hann hafi keypt 40 filmudósir á flóamarkaði fyrir um fimm árum.

Filmudósirnar reyndust innihalda myndir frá fjölmörgum löndum í Asíu, Afríku og Evrópu frá árabilinu 1940 – 50. Þar var meðal annars filma með myndum frá Íslandi frá árinu 1943. Myndirnar voru frá Þingvöllum, Vestmannaeyjum, Hólum í Hjaltadal, Reykjavík og Gullfossi. Þær sýna einnig fólk á þessum stöðum þar sem það er við leik, í sparifötunum eða í vinnu.

Myndasafnið allt er hægt að sjá hér.

Þeir sem kannast við fólk á myndunum eða þekkir til ljósmyndarans er hvatt til að senda ábendingar á postur@for.is. Þegar hefur ráðuneytinu borist einhverjar ábendingar varðandi myndirnar.



UPPFÆRT: Frá ráðuneytinu fengust þær upplýsingar að líklega voru myndirnar teknar í kringum 1947, en ekki 1940-50. Þegar hafa borist 13 ábendingar vegna mynda og á næstu dögum verða þær upplýsingar nýttar og myndatexti settur við myndirnar.