Veiðiþjófar langt komnir með útrýmingu nashyrninga Frosti Logason skrifar 16. október 2014 05:17 Aðkoman að nashyrningnum Ísabellu var hörmuleg. Nú hafa rúmlega 800 nashyrningar verið drepnir af veiðiþjófum í Suður-Afríku það sem af er þessu ári. Þar af hafa yfir 500 dýr verið drepin í Kruger þjóðgarðinum sem á að heita verndarsvæði fyrir villt dýr á svæðinu. Yfirvöld í Suður-Afríku segja að 668 dýr hafi verið drepin 2012 og 1004 dýr árið 2013. Tíu árum áður voru aðeins 22 dýr drepin, svo aukningin er ógnvænleg. Ef þróunin heldur áfram með þessum hætti er óttast að þess verði ekki langt að bíða að afríski nashyrningurinn deyi út.Ísabella var vinsæl og elskuð.Hér í Glen Afric dýrathvarfinu, þar sem við dveljum þessa dagana, er fólk mjög uggandi yfir þróuninni. Starfsfólk og sjálfboðaliðar á staðnum búa líka yfir sinni eigin bitru reynslu. Fyrir rétt rúmum mánuði var nashyrningurinn Isabella drepinn þegar veiðiþjófar brutu sér leið hingað inn í skjóli nætur, skutu dýrið tveimur skotum og söguðu svo af því hálft andlitið til þess að komast yfir hornin. Hér ríkir mikil sorg en á sama tíma er mikill hugur í mannskapnum til aðgerða. Sjálboðaliðar Glen Afric hafa nú efnt til söfnunnar fyrir bættum aðbúnaði til þess að betur megi vernda nashyrninga á svæðinu. Allur ágóði söfnunarinnar mun renna til uppbyggingar á öruggu svæði og húsnæði til að hýsa dýrin í á nóttunni en það er sá tími sem mest allur veiðiþjófnaður á sér stað hér í Suður-Afríku. Söfnunina má finna á vefnum með því að smella hér og facebook síðu átaksins finnur þú hérna.Mótmælandi fyrir utan Kínverska sendiráðið í Suður-Afríku.Sumir telja að horn nashyrninga búi yfir margvíslegum lækningarmætti. Sá lækningarmáttur hefur þó aldrei verið sannaður. Lyf úr hornunum eru vinsæl söluvara í Víetnam og víðar í Asíu á meðal skottulækna og þeirra sem gefa sig út fyrir að stunda svokallaðar óhefðbundnar lækningar. Þar mylja menn hornin niður í fíngert duft og setja í hylki sem gleypt eru við kvillum eins og blóðnösum, krömpum og hita. Eftirspurnin eftir hornunum hefur gert veiðiþjófnað ábatasaman og eru þjófarnir orðnir ótrúlega skipulagðir við iðju sína. Vitað er að sumir þeirra nýta sér tæknibúnað eins og nætursjónauka, hljóðdeyfa, skotheld vesti, sjálfvirk skotvopn og þyrlur.Höfundur greinar ásamt nokkrum sjálfboðaliðum í Glen Afric dýrathvarfinu í Suður-Afríku.Veiðiþjófarnir sem brutu sér leið hingað inn í Glen Afric athvarfið voru að minnsta kosti tíu saman í hóp þegar þeir myrtu Isabellu. Þeir virðast hafa undirbúið drápið vel og verið búnir að kannað aðstæður en starfsfólk hér var vart við grunsamlegt þyrluflug yfir svæðið, sem er vel girt af og vaktað allan sólarhringinn, í vikunni áður en þjófarnir létu til skara skríða. Þess má geta að gerðið sem Ísabella dvaldi í var alveg við hliðina á húsinu þar sem sjálboðaliðar Glen Afric hafa aðsetur. Myndband af Ísabellu fylgir með hér að neðan en það var skotið nokkrum dögum áður en veiðiþjófarnir drápu dýrið. Vinirnir Frosti Logason og Sigurður Þorsteinsson fara í haust í sex vikna ferðalag um Asíu og Afríku. Þeir ætla að leyfa lesendum Vísis að fylgjast með ferðalaginu í máli, myndum og myndböndum. Félagarnir fara meðal annars í safarí í Suður-Afríku, fara á brimbrettanámskeið á Balí og læra að kafa í Taílandi. Verkefnið gengur undir heitinu AsíAfríka. AsíAfríka Mest lesið „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið Strangheiðarleg dreifbýlistútta og lopapeysan í uppáhaldi Tíska og hönnun Trúlofuðust á gjörgæslunni eftir bílslys á Íslandi Lífið Fréttatía vikunnar: Þyrlur, forsetaframbjóðendur og skemmdarverk Lífið Hvetur fólk til að nota sólarvörn eftir krabbameinsgreiningu Lífið Mynd ársins af palestínskum flóttamanni Lífið Milljónir hafa horft á stikluna fyrir Snertingu Lífið Karl konungur snýr aftur úr veikindaleyfi Lífið Ellý snýr aftur vegna fjölda áskorana Lífið Fleiri fréttir Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Sjá meira
Nú hafa rúmlega 800 nashyrningar verið drepnir af veiðiþjófum í Suður-Afríku það sem af er þessu ári. Þar af hafa yfir 500 dýr verið drepin í Kruger þjóðgarðinum sem á að heita verndarsvæði fyrir villt dýr á svæðinu. Yfirvöld í Suður-Afríku segja að 668 dýr hafi verið drepin 2012 og 1004 dýr árið 2013. Tíu árum áður voru aðeins 22 dýr drepin, svo aukningin er ógnvænleg. Ef þróunin heldur áfram með þessum hætti er óttast að þess verði ekki langt að bíða að afríski nashyrningurinn deyi út.Ísabella var vinsæl og elskuð.Hér í Glen Afric dýrathvarfinu, þar sem við dveljum þessa dagana, er fólk mjög uggandi yfir þróuninni. Starfsfólk og sjálfboðaliðar á staðnum búa líka yfir sinni eigin bitru reynslu. Fyrir rétt rúmum mánuði var nashyrningurinn Isabella drepinn þegar veiðiþjófar brutu sér leið hingað inn í skjóli nætur, skutu dýrið tveimur skotum og söguðu svo af því hálft andlitið til þess að komast yfir hornin. Hér ríkir mikil sorg en á sama tíma er mikill hugur í mannskapnum til aðgerða. Sjálboðaliðar Glen Afric hafa nú efnt til söfnunnar fyrir bættum aðbúnaði til þess að betur megi vernda nashyrninga á svæðinu. Allur ágóði söfnunarinnar mun renna til uppbyggingar á öruggu svæði og húsnæði til að hýsa dýrin í á nóttunni en það er sá tími sem mest allur veiðiþjófnaður á sér stað hér í Suður-Afríku. Söfnunina má finna á vefnum með því að smella hér og facebook síðu átaksins finnur þú hérna.Mótmælandi fyrir utan Kínverska sendiráðið í Suður-Afríku.Sumir telja að horn nashyrninga búi yfir margvíslegum lækningarmætti. Sá lækningarmáttur hefur þó aldrei verið sannaður. Lyf úr hornunum eru vinsæl söluvara í Víetnam og víðar í Asíu á meðal skottulækna og þeirra sem gefa sig út fyrir að stunda svokallaðar óhefðbundnar lækningar. Þar mylja menn hornin niður í fíngert duft og setja í hylki sem gleypt eru við kvillum eins og blóðnösum, krömpum og hita. Eftirspurnin eftir hornunum hefur gert veiðiþjófnað ábatasaman og eru þjófarnir orðnir ótrúlega skipulagðir við iðju sína. Vitað er að sumir þeirra nýta sér tæknibúnað eins og nætursjónauka, hljóðdeyfa, skotheld vesti, sjálfvirk skotvopn og þyrlur.Höfundur greinar ásamt nokkrum sjálfboðaliðum í Glen Afric dýrathvarfinu í Suður-Afríku.Veiðiþjófarnir sem brutu sér leið hingað inn í Glen Afric athvarfið voru að minnsta kosti tíu saman í hóp þegar þeir myrtu Isabellu. Þeir virðast hafa undirbúið drápið vel og verið búnir að kannað aðstæður en starfsfólk hér var vart við grunsamlegt þyrluflug yfir svæðið, sem er vel girt af og vaktað allan sólarhringinn, í vikunni áður en þjófarnir létu til skara skríða. Þess má geta að gerðið sem Ísabella dvaldi í var alveg við hliðina á húsinu þar sem sjálboðaliðar Glen Afric hafa aðsetur. Myndband af Ísabellu fylgir með hér að neðan en það var skotið nokkrum dögum áður en veiðiþjófarnir drápu dýrið. Vinirnir Frosti Logason og Sigurður Þorsteinsson fara í haust í sex vikna ferðalag um Asíu og Afríku. Þeir ætla að leyfa lesendum Vísis að fylgjast með ferðalaginu í máli, myndum og myndböndum. Félagarnir fara meðal annars í safarí í Suður-Afríku, fara á brimbrettanámskeið á Balí og læra að kafa í Taílandi. Verkefnið gengur undir heitinu AsíAfríka.
AsíAfríka Mest lesið „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið Strangheiðarleg dreifbýlistútta og lopapeysan í uppáhaldi Tíska og hönnun Trúlofuðust á gjörgæslunni eftir bílslys á Íslandi Lífið Fréttatía vikunnar: Þyrlur, forsetaframbjóðendur og skemmdarverk Lífið Hvetur fólk til að nota sólarvörn eftir krabbameinsgreiningu Lífið Mynd ársins af palestínskum flóttamanni Lífið Milljónir hafa horft á stikluna fyrir Snertingu Lífið Karl konungur snýr aftur úr veikindaleyfi Lífið Ellý snýr aftur vegna fjölda áskorana Lífið Fleiri fréttir Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Sjá meira