Bökuðu afmælisköku

Skrímsli, hvað finnst ykkur skemmtilegast að gera?

Ss: Veiða! Og synda! Og klifra í trjám!

Ls: Mér finnst skemmtilegast að teikna og tefla skrímslaskák og lesa bækur.

Ss: Þú ert alltaf að lesa.

Hafið þið einhvern tímann farið í fýlu hvort út í annað?

Ss: Nei.

Ls: Jú, stóra skrímsli, manstu það ekki?

Ss: Jú, kannski. Þú kýldir mig!

Ls: Ég veit það! Ég fékk svakalega magapínu á eftir.

Hvernig náið þið að sættast?

Ss: Það bara gerist.

Ls: Já, það er miklu skemmtilegra að vera vinir en óvinir.



Ss: Og manni líður svo illa, eins og maður hafi étið lifandi eiturfisk. Eða svona pírata-fisk sem bítur…



Ls: Þú meinar pírana-fisk. Já, stundum er gott að hugsa hvernig það sé að vera hitt skrímslið. Til dæmis ef ég hugsa hvernig það er að vera stóra skrímslið og ef stóra skrímslið hugsar um hvernig það er að vera ég.

Ss: Ég vildi nú ekkert vera litla skrímslið mjög lengi.

Ls: Nei, það er best að vera maður sjálfur.

Eruð þið góðir vinir? Af hverju er gott að eiga góðan vin?

Ss: Já! Vinir geta gert svo margt skemmtilegt saman.

Ls: Við erum samt ekki alltaf saman. En það er gott að eiga vin. Við getum hjálpast að.

Litla skrímsli, hvernig vinur er stóra skrímsli?

Ls: Stóra skrímslið er sterkt og duglegt og alltaf til í að fara út að gera eitthvað skemmtilegt.



Stóra skrímsli, hvernig vinur er litla skrímsli?

Ss: Litla skrímslið kann mjög margt, það kemur alltaf með góð ráð.

Eigið þið gæludýr?

Ss: Já, núna!

Ls: Ég á mjög fínan kisa, skrímslakisa. En stóra skrímslið vildi …

Ss: Æi, ekki segja. Tölum um eitthvað annað.

Er það rétt að kisi sé týndur?

Ss: Já, nei, ég meina, hann týndist en fannst aftur.

Ls: Það er hægt að lesa um það allt í nýju bókinni um okkur. Hún heitir Skrímslakisi.

Ss: Ég skil ekki af hverju það er alltaf verið að skrifa um eitthvað svona í bókum. Þó það hafi gerst.

Til hamingju með tíu ára afmælið! Hver bakaði kökuna?

Ss: Sko, litla skrímslið átti hugmyndina. En ég hjálpaði til. Litla skrímslið las uppskriftina og mældi, ég hrærði deigið. Og kremið.

Ls: Það var nú varla nógu mikið krem eftir, þú varst alltaf að smakka.

Ss: Þetta er líka besta kaka sem ég hef smakkað, litla skrímsli!

Ls: Besta kakan fyrir besta vininn, stóra skrímsli!