Jay Z á afmæli í dag: Blue Ivy kom til landsins í morgun

Ættingjar tónlistarmannsins Jay Z, þar á meðal dóttir hans og Beyoncé, Blue Ivy, komu til landsins í morgun samkvæmt heimildum Vísis.

Ku fjölskyldu Jay Z hafa verið flogið hingað á tveimur einkaþotum sem lentu á Reykjavíkurflugvelli nú fyrir stuttu.

Samkvæmt heimildum Vísis er fjölskylda Beyoncé ekki stödd á landinu en í henni er til dæmis systir hennar Solange Knowles. Frægt er orðið þegar Solange réðst á Jay Z í lyftu eftir Met-ballið fyrr á þessu ári.

Eins og fram hefur komið hafa Beyoncé og Jay Z dvalið á landinu í vikunni og fljúga aftur til Bandaríkjanna á laugardag. Heimildir Vísis herma að þau gisti í Reykjavík næstu tvær nætur og ætli að halda upp á afmæli Jay Z í kvöld.