George prins er kominn með barnfóstru

Kate Middleton og Vilhjálmur Bretaprins eru búin að ráða barnfóstru fyrir son sinn, prins George, sjö mánaða.

Barnfóstran sást í göngutúr með George í garðinum hjá Kensington-höll fyrir stuttu. Vilhjálmur og Kate hafa ekki gefið upp nafn hennar en hún er frá Spáni, hefur búið í Bretlandi í rúmlega tuttugu ár og er á fertugsaldri.

Barnfóstran var ráðin rétt áður en Kate og Vilhjálmur skelltu sér í frí til Maldíveyja þann 6. mars. George fær þó að koma með í næsta frí þegar öll fjölskyldan skellir sér til Ástralíu og Nýja-Sjálands í næsta mánuði.