Sigurmark í blálokin

Hannover-Burgdorf hafði betur gegn Emsdetten, 28-27, í Íslendingaslag í þýsku úrvalsdeildinni í handbolta í kvöld.

Torge Johannsen skoraði sigurmark Hannover-Burgdorf á lokasekúndum leiksins en gestirnir frá Emsdetten voru með tveggja marka forystu, 26-24, þegar rúmar fjórar mínútur voru til leiksloka.

Rúnar Kárason skoraði fjögur mörk fyrir Hannover-Burgorf í leiknum en Ernir Hrafn Arnarson eitt fyrir Emsdetten. Oddur Gretarsson skoraði ekki að þessu sinni.

Hannover-Burgdorf er í níunda sæti deildarinnar með 46 stig en Emsdetten er sem fyrr á botninum með sjö stig.