Heiða og Snorri ástfangin á Slash

Kærustuparið Snorri Snorrason og Heiða Ólafs mættu á tónleika Slash og Myles Kennedy & The Conspirators í Laugardalshöll í gær eins og svo fjölmargir aðrir Íslendingar. 

Fregnir að ástarsambandi Snorra og Heiðu voru sagðar snemma á þessu ári en þau eru bæði afar söngelsk. Þá eru þau bæði kennd við raunveruleikaþáttinn Idol stjörnuleit en Snorri stóð uppi sem sigurvegari í þættinum árið 2006 og Heiða lenti í öðru sæti árið 2005.

Eins og sjá má á meðfylgjandi myndum var stemningin í höllinni í gær óviðjafnanleg og tryllti Slash lýðinn eins og honum einum er lagið.