Regnbogabörn lögð niður

Samtökin Regnbogabörn hafa nú verið lögð niður en þetta kemur fram í yfirlýsingu sem birt hefur verð á Facebook síðu samtakanna.

Yfirlýsingin er rituð af Stefáni Karli Stefánssyni, formanni og stofnanda samtakanna. Þar kemur fram að ekki verði hjá þessari ákvörðun komist sökum fjármagnsskorts og annarra ástæðna sem ekki verði farið nánar út í. Hins vegar megi búast við fjölmiðlayfirlýsingu á næstu dögum. Unnið er að formlegri lokun samtakanna en styrkjum verður skilað og samtökin nú gerð upp. Regnbogabörn hafa verið rekin í yfir 12 ár segir í yfirlýsingunni að niðurstaðan komi aðstandendum samtakanna í opna skjöldu.

Allri starsemi samtakanna verður því þegar í stað hætt og munu samtökin ekki svara síma né tölvupóstsendingum áfram. Bendir Stefán Karl þeim sem hafa fyrirspurnir og þurfi á aðstoð að halda að hafa samband við hverfisskrifstofur, skólaskrifstofur og í alvarlegum tilfellum lögreglu. Skóla- og frístundasvið borgarinnar í Reykjavík og skólaskrifstofur síns sveitafélags sem fari með slík mál.