Liverpool orðað við Higuain

Spænskir vefmiðlar segja enska úrvalsdeildarliðið Liverpool vera að undirbúa risatilboð í argentínska framherjann Gonzalo Higuain frá ítalska liðinu Napolí.

Liverpool keypti fjölda sóknarsinnaðra leikmanna í sumar en vilja styrkja framlínuna enn frekar eftir slaka byrjun í úrvalsdeildinni í haust.

Brendan Rodgers knattspyrnustjóri Liverpool hefur látið hafa eftir sér að það sé ekki hægt að bera Luis Suarez sem Liverpool seldi til Barcelona í sumar og Mario Balotelli sem Liverpool keypti frá AC Milan saman.

Balotelli hefur verið nokkuð gagnrýndur í fyrstu leikjum sínum fyrir Liverpool og hefur liðið átt í vandræðum með að skora mörk.