Meirihluti nemenda í fjarnámi á Austurlandi eru konur

Af þeim 158 nemendum sem eru á skrá í fjarnámi á Austurlandi eru 66 prósent konur. Þetta kemur fram í þeim tölfræðilegu upplýsingum sem að háskóla- og rannsóknasvið Austurbrúa tók saman.

Fjölmargir nemendur stunda fjarnám á Austurlandi líkt og undanfarin ár. Þeir sækja nám við alla háskóla landsins og í fjölda greina, s.s félagsvísindum, heilbrigðisvísindum, menntavísindum og raunvísindum. Þriðjungur nemenda, eða 39 prósent, eru þrítugir eða yngri, 31 prósent er á milli 31 og 40 ára. Langstærsti hluti nemenda eru ungar konur en þær eru um 27 prósent af heildarfjölda nemenda. Karlar dreifast jafnar á milli aldurshópanna.

Nokkuð skýr kynjaskipting er í námsvali, konur eru til að mynda í 33 prósent tilvika í námi í menntunar- og uppeldisfræðum. 25 prósent karlar eru tækni- og verkfræðinámi og önnur 23 prósent í viðskiptum.

Háskóla- og rannsóknasvið Austurbrúar stendur nú fyrir könnun með starfandi kennara á öllum skólastigum þar sem verið er að kanna hver vilji þeirra og þarfir eru í símenntun og á hvaða sviðum hennar er helst þörf. Ef í ljós kemur að á Austurlandi eru fjölmennir hópar með svipaðar þarfir, hyggst sviðið leita til háskóla um úrræði fyrir þessa hópa í heimabyggð. Hugmyndin er að verkefnið verði tilraunaverkefni um þjónustu við fagstéttir.