Formúla 1 stefnir á meiri hávaða frá og með kanadíska kappakstrinum. Ýmsar aðferðir til þess verða prófaðar á æfingum eftir spænska kappaksturinn.
Vélaframleiðendurnir þrír funduðu eftir kappaksturinn í Kína og aftur í þessari viku. Þeir hafa nú kynnt nokkrar mögulegar leiðir til að auka hávaðan frá V6 vélunum.
Margir áhorfendur, keppnishaldarar og Bernie Ecclestone höfðu gagnrýnt hljóðlátari kynslóð véla sem tekin var í notkun í ár. Fjórfaldi heimsmeistarinn Sebastian Vettel var einna háværastur í gagnrýni á nýju vélarhljóðin.
Með það fyrir augum að breyta hljóðum vélanna hefur FIA (alþjóða akstursíþróttasambandið) samþykkt að leita lausna.
Vélaframleiðendurnir: Mercedes, Ferrari og Renault hafa fengið það hlutverk að finna aðferðir. Þær hugmyndir verða svo prófaðar eftir spænska kappaksturinn, en þegar höfðu verið áætlaðar æfingar eftir þá keppni.
„Við ræddum hvaða lausnir gætu verið mögulegar, við hjá Mercedes höfum okkar nálgun og uppástungur,“ sagði Toto Wolff yfirmaður Mercedes liðsins.
„Við erum með einhverjar hátækni lausnir varðandi pústkerfið og líka eina sem er eins og gjalalrhorn, sem opnar út endan. Ég veit ekki hvort þetta síðastnefnda er viðegandi í F1, en það mun samt sem áður fylgja okkar uppástungum og nálgunum. Við munum prófa þær á bílnum í Barcelona og sjá hvort þær hafi þau áhrif sem við leitumst eftir,“ sagði Wolff að lokum.
Víkingur R.
KR
