Átakið "Öll í einn hring" að hefjast

Meistaranemar í viðskiptafræðideild við Háskóla Íslands standa að átakinu „Öll í einn hring“ sem snýst um að safna fé til tækjakaupa fyrir Barnaspítala Hringsins.

Átakið, sem stendur yfir frá 15. til 20. febrúar, tengist námskeiðinu Samvinna og árangur undir handleiðslu Elmars H. Hallgríms lektors.

„Þetta er málefni sem snertir okkur öll og því er unnið að þessu verkefni af mikilli ánægju og áhuga. Við höfum einnig mætt gríðarlegum velvilja almennings að taka þátt í þessu með okkur,“ segir Sigrún Halldórsdóttir meistaranemi. Hægt verður að leggja átakinu lið á vefsíðunni Bland.is.