Rítalín sölumaður stöðvaður á Akureyri

Rítalín sölumaður var gripinn glóðvolgur á Akureyri í nótt með fjölmargar sölueiningar í fórum sínum. Lögregla stöðvaði manninn sem var einn á ferð í bíl sínum.

Þótt hann væri allsgáður vöknuðu grunsemdir lögreglumanna um að hann hefði eitthvað á samviskunni. Við leit á honum fundust samtals 70 rítalíntöflur pakkaðar í margar jafn  stórar sölueiningar.

Hver tafla selst á allt að fimm þúsund krónur á fíkniefnamarkaðnum þannig að andvirði taflanna eru umþaðbil 350 þúsund krónur. Hald var lagt á töflurnar og var manninum sleppt að yfirheyrslum loknum, en málið verður rannsakað nánar.