Héldu að lögregluþjónarnir væru stripparar

Fyrir skömmu gerðist það að lögreglan var kölluð á vettvang vegna samkvæmishávaða í íbúðahúsi. Þar stóð yfir brjálað partí, gæsateiti nánar tiltekið og voru allir gestir konur. Þær tóku lögregluþjónunum fagnandi og stóðu í þeirri meiningu að þarna væru mættir til leiks karlkynsfatafellur í lögreglubúningum.

Lögreglan á höfuðborgarsvæðinu greinir frá þessu í nýrri tilkynningu á Facebook-vegg sínum. Og þeim er greinilega skemmt sem færir tilkynninguna í letur og talar um að oft sé skemmtilegt að vera lögreglumaður. Og hafi hávaðinn og gleðin færst í aukana þá er lögreglan mætti á vettvang, öfugt við það sem oftast er.

„Þegar okkar menn, virðulegir lögreglumenn á besta aldri, bönkuðu á dyrnar reyndist þar vera í gangi gæsateiti og eins og við mátti búast minnkaði hávaðinn ekki þegar gestirnir komust að því að lögreglan væri mætt, en í bókun segir:

„Mannsöfnuðurinn, sem samstóð bara af konum, tryllist af ánægju er áhöfn 272 bankaði uppá. Þær lofuðu þó að lækka og fékk gæsin mynd af sér með lögreglumönnunum".

Í tilkynningu lögreglunnar kemur fram að ekki hafi verið kvartað frekar undan hávaða á þeim bænum og talað um að í misjöfn útköll þurfi misjöfn meðul, hvernig sem ber nú að skilja það?

Innlegg by Lögreglan á höfuðborgarsvæðinu.