Whitney Houston minnst í dag 11. febrúar 2014 16:30 Whitney Houston AFP/NordicPhotos Eftir að hafa átt ótrúlegri velgengni að fagna í næstum þrjá áratugi, hvort sem var um að ræða tónlist eða kvikmyndir, lést stjarnan Whitney Houston fyrir tveimur árum í dag, þann 11. febrúar 2012, langt fyrir aldur fram. Hún var 48 ára gömul. Whitney flutti smelli á borð við I Wanna Dance With Somebody, My Love is Your Love, I Will Always Love You, One Moment in Time, Greatest Love of All og svo mætti lengi telja.Whitney lét eftir sig eina dóttur, Bobbi Kristina, sem hún átti með fyrrverandi eiginmanni sínum, Bobby Brown. Whitney drukknaði í baði, kvöldinu áður en Grammy-verðlaunaafhendingin fór fram. Krufning leiddi síðar í ljós að drukknunin gæti hafa verið af völdum eiturlyfja, meðal annars kókaíns, en Houston átti við mikla kókaínfíkn að stríða, auk þess sem hún glímdi við hjartasjúkdóm. Margir voru harmi slegnir yfir fréttunum af andláti söngkonunnar, en dauði hennar kom kannski ekki beint á óvart enda hafði hún glímt opinberlega við fíknivanda og heimsbyggðin hafði fylgst náið með Houston verða fíkninni að bráð. Samkvæmt Guinness World Records er Houston sú söngkona sem hlaut flest verðlaun á ferlinum. Hún er sennilega einna þekktust fyrir flutning sinn af laginu I Will Always Love You, eftir Dolly Parton.Whitney á Michael Jackson 30th Anniversary Special, árið 2001.Whitney seldi yfir 170 milljón plötur á ferlinum og lék í fjórum kvikmyndum, en þær voru The Bodyguard, árið 1992, Waiting to Exhale, árið 1995, The Preacher's Wife, árið 1996 og nú síðast, Sparkle, árið 2012. En það var um aldamótin sem fór að halla verulega undan fæti hjá Houston. Tíðar fréttir af heimilisofbeldi og eiturlyfjaneyslu Whitney tóku að berast. Hún fór að komast í kast við lögin, mæta ekki á tónleika og viðburði og kom svo eftirminnilega fram á Michael Jackson: 30th Anniversary Special tónleikunum, árið 2001. Eftir tónleikana gerðu slúðurmiðlar um allan heim sér mat úr fíklalegu útliti hennar, en hún þótti orðin óeðlilega grönn. Árið eftir fór Houston í einlægt viðtal við Diane Sawyer þar sem hún var spurð út í fíkniefnaneyslu sína. Houston þverneitaði fyrir neysluna með því að segja meðal annars: „Crack is whack.“ Það var ekki fyrr en árið 2009 að Houston viðurkenndi fíkniefnaneyslu sína opinberlega í viðtali hjá Opruh Winfrey. Í sama viðtali opnaði söngkonan sig um ofbeldisfullt hjónaband sitt við Bobby Brown, en þau skildu árið 2007. Viðtalið við Opruh þar sem hún talaði opinskátt um líf sitt, neysluna og Bobby, var sýnt sama kvöld og hún reyndi að lífga tónlistarferil sinn við með nýrri plötu I Look to You. Þrátt fyrir að platan hafi ratað á toppinn á flestum vinsældarlistum, ollu aðsóknartölur á tónleikaferðalagið sem hún lagði í til að fylgja eftir plötunni miklum vonbrigðum. Gagnrýnendur sögðu rödd hennar ekki jafn góða og áður. Whitney Houston var borin til grafar í heimabæ sínum í Newark í New Jersey í Bandaríkjunum stuttu eftir andlát hennar. Heimsbyggðin fylgdist með þegar söngkonan var jörðuð í beinni sjónvarpsútsendingu. „Þú varst ekki bara sæt, þú varst falleg. Fólki þótti ekki bara vænt um þig, þau elskuðu þig," sagði leikarinn Kevin Costner í ræðunni sem hann fór með í útför Houston. Costner og Houston urðu miklir vinir eftir að þau léku saman í myndinni Bodyguard. Lagið úr myndinni I Will Always Love You var spilað í kirkjunni þegar kistan var borin út. Kirkjubekkirnir í New Hope kirkjunni í Newark voru þétt setnir af vinum og vandamönnum söngkonunnar, meira að segja svo þéttsetnir að Bobbi Brown, fyrrum eiginmanni Houston, þótti nóg um og lét sig hverfa í upphafi athafnarinnar.Stevie Wonder og Alicia Keys voru meðal þeirra tónlistamanna sem tóku lagið í kirkjunni og Dionne Warwick hélt ræðu um vinkonu sína. Mest lesið Ást Fedru og Saknaðarilmur fengu fern Grímuverðlaun hver Menning Forsetaáskorunin: Áhugatöframaður og hefur safnað skeljum og eldspýtustokkum Lífið Margrét Helga hlýtur heiðursverðlaun Grímunnar Menning „Það er ástæðan fyrir því að ég sagði ekki já á stundinni“ Lífið Margar konur sem leita á fæðingarheimilin sjálfar á barnsaldri Lífið Balti var í hesthúsinu þegar Jason Statham hringdi Bíó og sjónvarp „Ómenntaður kúka kennslu sóði!“ Lífið Kristján hennar Höllu Hrundar stefnir á fyrsta lanið á Bessastöðum Lífið Kosningavökumolar Höllu og Bjössa Lífið „Margir héldu að ég væri endanlega búinn að missa það“ Lífið Fleiri fréttir Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Vandaði Eurovision ekki kveðjurnar á tónleikum Alfreð og Fríða orðin þriggja barna foreldrar „Margir héldu að ég væri endanlega búinn að missa það“ „Það er ástæðan fyrir því að ég sagði ekki já á stundinni“ Hvaða frambjóðandi er bestur í að flaka fisk? „Ómenntaður kúka kennslu sóði!“ Forsetaáskorunin: „Held að geimverur séu á meðal vor“ Myndaveisla: Skálað fyrir skemmtilegustu tónleikum síðari ára Ætluðu að draga sig úr Eurovision fram á síðustu stundu Laufey og Hugi tilnefnd til verðlauna Styrktist í trúnni eftir áfallið Kristján hennar Höllu Hrundar stefnir á fyrsta lanið á Bessastöðum Glæsilegt raðhús Maríu Paz til sölu Nýjasti rafvirki landsins fimmtug með ofurkrafta Bíða eftir pizzu og potti eftir milljón króna göngu Forsetaáskorunin: „Fóru Bandaríkjamenn í raun til tunglsins?“ Fór á sveitaball og keypti kálfa á klósettinu Bjöggi Takefusa og Sólveig nefna dótturina Elísa Viðars og Rasmus nefndu soninn Stjörnulífið: „Tvær klámkerlingar á kynfræðiráðstefnu“ Kate Beckinsale lætur tröllin heyra það Edda Falak á von á dreng Af vængjum fram: „Aldrei“ notað fíkniefni og er alls ekki með nein húðflúr „Það er aldeilis ekki sjálfsagt að hafa heilsu“ Springsteen aflýsir nokkrum tónleikum af heilsufarsástæðum Sjá meira
Eftir að hafa átt ótrúlegri velgengni að fagna í næstum þrjá áratugi, hvort sem var um að ræða tónlist eða kvikmyndir, lést stjarnan Whitney Houston fyrir tveimur árum í dag, þann 11. febrúar 2012, langt fyrir aldur fram. Hún var 48 ára gömul. Whitney flutti smelli á borð við I Wanna Dance With Somebody, My Love is Your Love, I Will Always Love You, One Moment in Time, Greatest Love of All og svo mætti lengi telja.Whitney lét eftir sig eina dóttur, Bobbi Kristina, sem hún átti með fyrrverandi eiginmanni sínum, Bobby Brown. Whitney drukknaði í baði, kvöldinu áður en Grammy-verðlaunaafhendingin fór fram. Krufning leiddi síðar í ljós að drukknunin gæti hafa verið af völdum eiturlyfja, meðal annars kókaíns, en Houston átti við mikla kókaínfíkn að stríða, auk þess sem hún glímdi við hjartasjúkdóm. Margir voru harmi slegnir yfir fréttunum af andláti söngkonunnar, en dauði hennar kom kannski ekki beint á óvart enda hafði hún glímt opinberlega við fíknivanda og heimsbyggðin hafði fylgst náið með Houston verða fíkninni að bráð. Samkvæmt Guinness World Records er Houston sú söngkona sem hlaut flest verðlaun á ferlinum. Hún er sennilega einna þekktust fyrir flutning sinn af laginu I Will Always Love You, eftir Dolly Parton.Whitney á Michael Jackson 30th Anniversary Special, árið 2001.Whitney seldi yfir 170 milljón plötur á ferlinum og lék í fjórum kvikmyndum, en þær voru The Bodyguard, árið 1992, Waiting to Exhale, árið 1995, The Preacher's Wife, árið 1996 og nú síðast, Sparkle, árið 2012. En það var um aldamótin sem fór að halla verulega undan fæti hjá Houston. Tíðar fréttir af heimilisofbeldi og eiturlyfjaneyslu Whitney tóku að berast. Hún fór að komast í kast við lögin, mæta ekki á tónleika og viðburði og kom svo eftirminnilega fram á Michael Jackson: 30th Anniversary Special tónleikunum, árið 2001. Eftir tónleikana gerðu slúðurmiðlar um allan heim sér mat úr fíklalegu útliti hennar, en hún þótti orðin óeðlilega grönn. Árið eftir fór Houston í einlægt viðtal við Diane Sawyer þar sem hún var spurð út í fíkniefnaneyslu sína. Houston þverneitaði fyrir neysluna með því að segja meðal annars: „Crack is whack.“ Það var ekki fyrr en árið 2009 að Houston viðurkenndi fíkniefnaneyslu sína opinberlega í viðtali hjá Opruh Winfrey. Í sama viðtali opnaði söngkonan sig um ofbeldisfullt hjónaband sitt við Bobby Brown, en þau skildu árið 2007. Viðtalið við Opruh þar sem hún talaði opinskátt um líf sitt, neysluna og Bobby, var sýnt sama kvöld og hún reyndi að lífga tónlistarferil sinn við með nýrri plötu I Look to You. Þrátt fyrir að platan hafi ratað á toppinn á flestum vinsældarlistum, ollu aðsóknartölur á tónleikaferðalagið sem hún lagði í til að fylgja eftir plötunni miklum vonbrigðum. Gagnrýnendur sögðu rödd hennar ekki jafn góða og áður. Whitney Houston var borin til grafar í heimabæ sínum í Newark í New Jersey í Bandaríkjunum stuttu eftir andlát hennar. Heimsbyggðin fylgdist með þegar söngkonan var jörðuð í beinni sjónvarpsútsendingu. „Þú varst ekki bara sæt, þú varst falleg. Fólki þótti ekki bara vænt um þig, þau elskuðu þig," sagði leikarinn Kevin Costner í ræðunni sem hann fór með í útför Houston. Costner og Houston urðu miklir vinir eftir að þau léku saman í myndinni Bodyguard. Lagið úr myndinni I Will Always Love You var spilað í kirkjunni þegar kistan var borin út. Kirkjubekkirnir í New Hope kirkjunni í Newark voru þétt setnir af vinum og vandamönnum söngkonunnar, meira að segja svo þéttsetnir að Bobbi Brown, fyrrum eiginmanni Houston, þótti nóg um og lét sig hverfa í upphafi athafnarinnar.Stevie Wonder og Alicia Keys voru meðal þeirra tónlistamanna sem tóku lagið í kirkjunni og Dionne Warwick hélt ræðu um vinkonu sína.
Mest lesið Ást Fedru og Saknaðarilmur fengu fern Grímuverðlaun hver Menning Forsetaáskorunin: Áhugatöframaður og hefur safnað skeljum og eldspýtustokkum Lífið Margrét Helga hlýtur heiðursverðlaun Grímunnar Menning „Það er ástæðan fyrir því að ég sagði ekki já á stundinni“ Lífið Margar konur sem leita á fæðingarheimilin sjálfar á barnsaldri Lífið Balti var í hesthúsinu þegar Jason Statham hringdi Bíó og sjónvarp „Ómenntaður kúka kennslu sóði!“ Lífið Kristján hennar Höllu Hrundar stefnir á fyrsta lanið á Bessastöðum Lífið Kosningavökumolar Höllu og Bjössa Lífið „Margir héldu að ég væri endanlega búinn að missa það“ Lífið Fleiri fréttir Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Vandaði Eurovision ekki kveðjurnar á tónleikum Alfreð og Fríða orðin þriggja barna foreldrar „Margir héldu að ég væri endanlega búinn að missa það“ „Það er ástæðan fyrir því að ég sagði ekki já á stundinni“ Hvaða frambjóðandi er bestur í að flaka fisk? „Ómenntaður kúka kennslu sóði!“ Forsetaáskorunin: „Held að geimverur séu á meðal vor“ Myndaveisla: Skálað fyrir skemmtilegustu tónleikum síðari ára Ætluðu að draga sig úr Eurovision fram á síðustu stundu Laufey og Hugi tilnefnd til verðlauna Styrktist í trúnni eftir áfallið Kristján hennar Höllu Hrundar stefnir á fyrsta lanið á Bessastöðum Glæsilegt raðhús Maríu Paz til sölu Nýjasti rafvirki landsins fimmtug með ofurkrafta Bíða eftir pizzu og potti eftir milljón króna göngu Forsetaáskorunin: „Fóru Bandaríkjamenn í raun til tunglsins?“ Fór á sveitaball og keypti kálfa á klósettinu Bjöggi Takefusa og Sólveig nefna dótturina Elísa Viðars og Rasmus nefndu soninn Stjörnulífið: „Tvær klámkerlingar á kynfræðiráðstefnu“ Kate Beckinsale lætur tröllin heyra það Edda Falak á von á dreng Af vængjum fram: „Aldrei“ notað fíkniefni og er alls ekki með nein húðflúr „Það er aldeilis ekki sjálfsagt að hafa heilsu“ Springsteen aflýsir nokkrum tónleikum af heilsufarsástæðum Sjá meira